Taý-ken kompanıalarynyń ujymdarymen kezdesýdi ashqan oblys ákimi Berdibek Saparbaev óńirdegi ónerkásiptiń damýy jaıynda baıandady. Toǵyz aıdyń qorytyndysy boıynsha ekonomıkanyń atalmysh salasy 5,7% ósken, 1,3 trıllıon teńgeden astam somaǵa ónim óndirildi. Qoldanystaǵy kásiporyndardyń oń dınamıkasy jańa óndiris, júkteme, jańǵyrý jáne sıfrlandyrý esebinen qamtamasyz etilgen.

* Basty mindet – ekonomıka ósiminiń qarqynyn 5 paıyzdyq deńgeıde qamtamasyz etý. Boljamdarǵa sáıkes, jyl sońyna deıin Elbasynyń bul tapsyrmasy oryndalatyn bolady. Áleýmettik damý – Prezıdent saıasatynyń negizgi basymdyqtarynyń biri, bul sońǵy kezekti Joldaýda taǵy da dálel. Elbasy tapsyrmasymen 2019 jylǵy 1 qańtardan bastap eń tómengi eńbekaqyny 1,5 ese – 28 myńnan 42 myńǵa kóterý josparlanýda. Aqtóbe oblysynda 35 myń adamnyń eńbekaqysy ósedi. Ýchaskelik dárigerler men medbıkelerge ústemeaqy qosylyp, tárbıeshiler men balabaqsha qyzmetkerleriniń, memlekettik qyzmetkerlerdiń eńbekaqysy ósedi dep kútilýde,-dedi Berdibek Saparbaev.

* Memleket basshysy Joldaýynda Úkimet aldyna birqatar mindetter qoıdy. Negizgi maqsat – barsha qazaqstandyqtyń ómir súrý sapasyn jaqsartý. Bizdiń mınıstrlik kópjosparly jáne bizge úsh bazalyq memlekettik baǵdarlamalar – ındýstrıalandyrý, turǵyn úı qurylysy, ınfraqurylymdy júzege asyrýǵa naqty tapsyrmalar berildi, - dedi Jeńis Qasymbek.

Onyń sózinshe, byltyr Qazaqstan boıynsha turǵyn úıdi paıdalanýǵa berý kólemi 11 mln sharshy metrden asyp, 100 myńnan asa otbasy jańa baspanaly boldy. Bıyl elimizde 12 mln sharshy metrge jýyq turǵyn úı paıdalanýǵa berilmek, bul Qaraǵandynyń nemese Pavlodardyń turǵyn úı qoryna teń, ıaǵnı Qazaqstan jyl saıyn bir úlken qala salady.

* Aqtóbe oblysy turǵyn úı qurylysynyń kólemi jaǵynan qashanda kóshbasshylar bestiginde. Sondyqtan mınıstrlik oblys ákimdiginiń barlyq bastamalaryn qoldaýǵa ázir. Biz kelesi jyly oblysta qurylys kólemin arttyra alatynymyzdy kórip turmyz. Óıtkeni turǵyn úı baǵdarlamalaryna biz bólgen árbir teńge qurylystyń naqty kólemin tabady jáne naqty azamat óz jaǵdaıyn jaqsartady,-dep atap ótti mınıstr.

Ol ındýstrıalyq damý jaıynda aıta kele qazirgi tańda ónerkásipti qoldaý jáne damytý boıynsha qabyldanyp jatqan sharalardyń óńdelgen eksport kólemin 2022 jylǵa qaraı 1,5 ese,

eksporttaýshy kásiporyndar sanyn 300-den 450-ge deıin ulǵaıtýǵa múmkindik beretinin atap ótti.

«Aqtóbe oblysy Qazaqstannyń neǵurlym damyǵan ındýstrıalyq oblystarynyń biri bolyp tabylady. Máselen ónimdi eksporttaý jaǵynan Qazaqstan boıynsha ekinshi orynda. Dúnıe júzindegi jaǵdaı ózgeredi. Sondyqtan, biz eksportqa baǵdarlanǵan kásiporyndarǵa qoldaı qoldaý kórsetý tártibine kóshemiz. Memleket basshysynyń tapsyrmasymen eksportqa baǵdarlanǵan kásiporyndarǵa 500 mlrd teńge bólinýde. Onyń ishinde 100 mlrd teńge «Damý» quraldary arqyly shaǵyn jáne orta bıznesti qoldaýǵa ketedi. Qalǵany Qazaqstannyń damý banki arqyly. Óz tarapymnan, mınıstrlik Prezıdenttiń el azamattarynyń ál-aýqatyn arttyrý boıynsha qoıǵan barlyq tapsyrmalaryn júzege asyrý úshin barynsha kúsh jumsaıtynyna sendirgim keledi,-dedi sózin túıindegen mınıstr.

Jeńis Qasymbek jumys sapary aıasynda sondaı-aq, qurylys kompanıalarynyń ujymdarymen jáne Hromtaý qalasyndaǵy «Vosqod - ORIEL» JSHS ujymymen kezdesti.

Ol budan basqa, joldardy salý jáne qaıta salý boıynsha iri jobalardyń, «7-20-25» jáne «Nurly jer» memlekettik baǵdarlamalarynyń júzege asyrylýymen, A synypty kóliktik-logıstıkalyq ortalyqtyń qurylysymen tanysyp, Muz saraıy men tenıs ortalyǵynda boldy.