Aqtóbede «Jasyl el» «Zhasyl el Awards» jastar eńbek jasaǵy maýsymynyń saltanatty túrde jabylýy ótti. Munda QR qoǵamdyq damý mınıstrliginiń, respýblıkalyq jastar uıymdary men reseılik stýdentter jasaǵynyń ortalyq shtabynyń ókilderi, sonymen qatar respýblıkanyń barlyq óńirlerinen kelgen eńbek jasaqtarynyń úzdik ókilderi jınaldy.

Sharanyń basty maqsaty - jastardyń birigýi jáne olardyń qoǵamǵa paıdaly eńbekke degen pozıtıvti qarym-qatynasy.

Oblys ákimi Berdbek Saparbaev shara qonaqtaryn jyly qarsy alyp, uıymdastyrýshylarǵa eńbek maýsymynyń jabylý saltanatyn Aqtóbede ótkizgenderine alǵys aıtty. İs-shara úshin el Prezıdenti kelesi jyldy jastar jyly dep jarıalaǵany erekshe mańyzdy boldy.

- Aqtóbeni osy sharany ótkizý úshin tańdaǵany beker emes dep oılaımyn. Bul aldymen qashanda ózderiniń belsendilikterimen jáne patrıottyq rýhtarymen erekshelengen aqtóbelik jastardyń eńbegi. Bizdiń ul-qyzdarymyz Elbasy tapsyrmasyn oryndaı otyra el ómirine tikeleı at salysady. Nursultan Nazarbaev jastardy damytýǵa zor kóńil bólip, árqashan sizdiń bastamaldaryńyzdy qoldaıdy. Onyń basty maqsaty – qazaqstandyq jastar ózge elderdegi qatarlastarynan qalyspaýlary kerek.

Ol sondaı-aq, osydan 14 jyl buryn Elbasy bastamasynyń arqasynda stýdenttik eńbek jasaqtary jumys jasaı bastaǵanyn atap ótti. Osy jyldardyń ishinde olar eldi mekenderdi kógaldandyrýǵa qatysyp, nysandar salyp, ózderiniń tıimdilikterin dáleldedi. Aqtóbe oblysynda 2018 jyldan bastap jasaqtar jumysyn jyl boıǵy etý sheshimi qabyldanǵan bolatyn.

- Jastar eńbekke erte aralasýlary kerek. Óıtkeni, qyz-jigitterge ómirlik belesterge jetý úshin kómektesetin – osy eńbek. Sizder – elimizdiń bolashaǵysyzdar, laıyqty azamat bolyńyzdar, sonda ǵana Qazaqstandy úlken bolashaq kútedi, - dedi oblys ákimi.

Budan keıin saltanatty túrde marapattaý rásimi bastaldy. «Úzdik shtab», «Úzdik jasaq», «Onlaın-shtab», «Úzdik joba», «Hero Jasyl el», «Úzdik oqý orny», «Úzdik jumys berýshi», «Jyl serpini», «Úzdik jaýynger», «Úzdik mádenı jasaq», «Úzdik medıa maman», «Úzdik komandır» syndy 12 atalym boıynsha úzdikter anyqtaldy.

Aqtóbelikter birden eki atalymmen kózge tústi. Báıishev atyndaǵy ýnıversıtettiń ókili Artýr Azıev úzdik komandır atandy. Ol alty jyldan beri «Jasyl el» jastar jumys tobynyń komandırler arasyndaǵy jumysyn uıymdastyrýǵa jaýap beredi.

«Jasyl el» Aqtóbe oblystyq shtaby «Jyl serpini» atandy. Bıyl onyń qataryna 6 myńǵa jýyq adam kirdi. Bul búkil eldegi adamy eń kóp shtab.

Sondaı-aq, aqtóbelik seksen úzdik jaýyngerge Astana qalasyna joldama berildi.

Eńbek maýsymynyń respýblıkalyq jabylýy aıasynda «Jastar. Ekologıa. Patrıotızm» taqyrybyna sheberlik sabaqtary ótip, «XXI ǵasyrdyń básekege qabiletti jastary» atty dıalog alańy uıymdastyryldy.

Budan basqa, forým qonaqtaryna Aqtóbe oblysynda túsirilgen jastar týraly fılm tanystyryldy. Melodrama janrynda túsirilgen «Jasa» kınolentasynda mektep jasyndaǵy balanyń otbasy jaǵdaıy jaıly baıandalady.

Merekeniń sharyqtaý sheginde stýdentter shyǵarmashylyq jáne mýzykalyq ónerlerin kórsetti. Konsert «Jasyl el» jasaǵynyń ánuranymen aıaqtaldy.