Ózge ǵalamsharlyqtarǵa degen Islamnyń kózqarasyn aıtpas buryn, olar jaıly tolyq aqparat berip óteıik. Olar eshkimge uqsamaıtyn tylsym.
Ózge planetalyqtar jaıynda...
Olar (eger bar bolsa) Jerden ózge planetada mekendeıtin materıaldyq zat. Ol zatty adamdar bir kletkaly bakterıaǵa uqsatýy múmkin, alaıda adamdardyń kóbi «jerden tys» degen termındi ózge ǵalamshardaǵy ómir degen tirkespen baılanystyryp jatady.
Adam balasy zerttep bitpegen, áli de ashylmaǵan talaı syry bar beımálim ushatyn tabaqsha týraly qoǵamnyń pikiri san túrli. Biri ózge planetalyqtarǵa sense, endi biri qıalı qylyq dep qol silteıdi. Aspan keńistiginde erkin qalyqtaǵan tabaqshany uıaly telefondarynyń kamerasyna túsir úlgergender de jeterlik. Internet jelisinde mundaı túsirilimder óte kóp. Sonymen ózge planetalyqtar rasymen de bar ma? Beımálim ushatyn tabaqsha AQSH-tyń saıasaty ma joq álde jerdi zerttep júrgen jatpalenalyqtar ma?
Beımálim ushatyn tabaqshany zertteýshiler ýfologtar. Biraq olar osy ýaqytqa deıin qolǵa ustatqandaı senimdi, naqty aıǵaq keltire almaǵan. Degenmen beımálim ushatyn tabaqsha jat planetalyqtar degen toqtamǵa kelgen. Beıresmı derekter boıynsha adam balasyna ushatyn tabaqshalar kún batqan sátte aspan keńistiginen birnúkteli jáne kópnúkteli jaryq bolyp 1940 jyly kóringen. Biraq olar aqıqatynda jat planetalyqtardyń ushatyn tabaqshasy ma? Osy salany zerttep, túrli maqalalar jazyp júrgen jýrnalıs Tóreǵalı Táshenov bizge kórinip júrgen ushatyn tabaqshalardyń 50 paıyzy adam qolymen jasalǵanyn aıtady.
Muraǵattan tabylǵan tarıhı qujattar boıynsha nemis armıasy 1940 jyly jerden tys órkenıet ıeleriniń korablin atyp túsirgen. Sóıtip, qulaǵan ushatyn tabaqshanyń qyr-syryn meńgergen soń, ózderi de soǵan qarap dál qurastyra bastaǵan deıdi. Álemge aty áıgili ózge de ǵaryshkerler ushatyn tabaqshany kórgen. KSRO-nyń eki márte batyry Vladımır Kovalenok Salút stansıasynda jumys istep júrgen kezinde ılúmınatordan orbıtany aınalyp ushqan belgisiz obektini baıqaǵanyn aıtady.
Taǵy bir qyzyq aqparat. Beıresmı derekter boıynsha uzyndyǵy 19, bıiktigi 8 metr, al salmaǵy 50 myń keli kúmis tústes ushatyn tabaqsha jerge qulaǵan. Tipti ishinen boıy 1 jarym metrdeı eki birdeı ózge planetalyqtar shyqqan. Zertteýshi ǵalymdar ózderińiz qany jasyl ishki qurylystary adamǵa múlde uqsamaıtyn belgisiz tirshilik ıesine zertteý jasapty. Biraq bul áli kúnge deıin qupıa, onyń anyǵynda kim ekeni tolyq zerttelip bitpegen. Asa joǵary jyldamdyqpen ushatyn tabaqshany jasaý kez kelgenniń qolynan kelmeıtin dúnıe. Derekter boıynsha Áýe kúshteri radaryna ilikken belgisiz obekti saǵatyna 20630 shaqyrym jyldamdyqpen ushqan. Beımálim ushatyn tabaqsha, ózge planetalyqtar - bular adam balasynyń jalyqpaı zertteıtin, qyzyǵyp tamashalaıtyn dúnıeleri. Ǵalymdar, aspan áleminde áli tolyq zerttelip bitpegen nysandar óte kóp deıdi. Demek álemde biz bilmeıtin talaı tańdaı qaqtyrar qubylystar men qupıalar ǵylym damyǵan saıyn ashylary sózsiz. Adam balasy buryn sońdy bilmegen tańǵajaıyptarmen aldaǵy ýaqytta ushyrasatyny anyq
Bul jaıynda Quranda ne deıdi?
Tipti qasıetti Qurannyń ózinde biz sý men tirshiliktiń arasyndaǵy baılanysty kóre alamyz.
«Qarsy bolǵandar, negizinde kókter menen jer túıisken edi. Ekeýin ajyratqanymyzdy, ár jandy nárseni sýdan jaratqanymyzdy kórmeı me? Sondaı-aq senbeı me?», - delingen Ánbıa súresiniń 30-aıatynda.
Búgingi tańda ǵalymdar ómirdiń teńizden paıda bolǵanyn aıtady. Jaı molekýlalar birigip, ózdiginen kóbeıdi. Alla Quranda bar tirshilikti sýdan jaratyp, Jerdiń betine shyǵarǵan. Alla bárin biledi, kóredi, al bizdiń mindetimiz – oqý, izdený, zertteý, oılaný.
Ózge planetalyqtarǵa keler bolsaq, Quranda ondaı tirshiliktiń bary jaıly aıtylǵan, alaıda biz aıattardan olardyń shyn mánisinde bar ekeni jaıly dáleldi áli tappadyq.
Rabbul aalameen tirkesiniń ózi «Álemderdiń Rabbysy» degendi bildiredi, ıaǵnı álemniń tus-tusynda túrli tirshiliktiń bolýy ábden múmkin.
Quranda da Alla jaratqan túrli tirshilik ıeleri jaıynda birneshe aıatta kezedesedi.
Shýra súresiniń 29-aıatynda bylaı delingen: «Kókter men jerdiń jaratylýy jáne ondaǵy jándikterdiń taralýy Onyń belgilerinen. Ol, olardy qashan qalasa da jınaýǵa kúshi tolyq jetedi».
Keı ǵalymdar joǵarydaǵy aıattardy negizge alyp, Jerden ózge planetada da tirshilik bar degen boljamǵa keledi.
«Ol, olardy qashan qalasa da jınaýǵa kúshi tolyq jetedi» degen tusyna nazar aýdarsaq, tirshiliktiń kez kelgen túri bolýy múmkin degenge saıady.
Tiri degendi bildiretin «dabbah» sózin Quran aýdarǵan Múhammed Asad «kez kelgen sanaly jaratylys dep túsindiredi.
Osylaısha, eger ǵalymdar jerden tys álemde ómir súretin tirshilik ıeleriniń bar ekenin anyqtasa, musylmandar úshin bul aıtarlyqtaı jańalyq bolmas edi.
Ázirge dálel joq...
Ózge planetalyqtardyń bar-joǵy jaıly naqty derekter áli kúnge deıin joq.
«Adamdar ózge planetalyqtardy baıqaýsyzda kezdestirip qaldy» degen habardy jıi estımiz. Alaıda bul turǵyda talas ta kóp. Biri Jerdiń ústinde ǵarysh tárelkelerin kórgenderin dáleldep álek, endi biri olardyń bolmaıtynyn, munyń jaı qıal-ǵajaıyp ekendigine sendirip áýre.
Bálkim, ózge ǵalamsharlyqtar adamnyń qıalynan týýy ábden múmkin. Ásirese, AQSH-ta bul taqyryp keń taralǵan ańyzǵa aınalǵan.
Ǵylym ózge planetalyqtar jaıynda naqty dálelder keltirmegen. Alaıda Álemniń sheksizdigi sonsha, ony tolyq zertteýge adamzattyń ǵumyry jetpeýi múmkin. Jer de, ózge planetalar da adamzat úshin qashan da jumbaq.
Al ıslam muny ǵylymǵa qaldyrdy. Sebebi álemdi zertteýge kirisken adamnyń onyń Jaratýshysyna da senimi arta túsedi.
