Bıylǵy jyldyń mamyr aıynda Aqtóbege 150 jyl tolady.  Osyǵan oraı tanymal qazaq ánshisi Dımash Qudaıbergen konsert qoıady dep jazady Qamshy.kz aqparat agenttigi Sputniknews.kz saıtynyń deregin negizge otyryp. 

Búgin óńir basshysy Berdibek Saparbaevtyń tóraǵalyǵymen ótken otyrysta merekelik sharalardyń aldyn ala jospary qaraldy, solardyń ishinde álemge tanymal aqtóbelik Dımash Qudaıbergenniń de konserti bar dep habarlaıdy oblys ákiminiń baspasóz qyzmeti. 

Sonymen birge oblys ákimi bıylǵy jyly halyqaralyq, respýblıkalyq, óńirlik jáne oblystyq deńgeıdegi kóptegen sharalar ótetinin jáne uıymdastyrýshylar kóńil kóteretin baǵdarlamalarmen shektelmeıtinin atap ótti.

«Bastysy – bul keıin qala turǵyndary men qonaqtaryna osy kúndi eske salatyn, oblys ortalyǵynyń ári qaraı damýyna qyzmet etetin jańa áleýmettik jáne óndiristik nysandardyń ashylýy. Eshbir aqtóbelik bul úlken sharadan tys qalmaýy tıis», –  dedi Saparbaev.

Aqtóbege 150 jyldyǵyna oraı óńirde turǵyn úıler, jańa mektepter men balabaqshalar, saıabaqtar men gúl baqtary paıdalanýǵa berilmekshi. 

Budan bólek, Aqtóbede Bógenbaı batyrǵa, Eset batyr men Aqtóbe keńesiniń birinshi tóraǵasy Vasılıı Zınchenkoǵa eskertkishter ashylady.