Qaraǵandydaǵy kisi ólimine kúdikti dep tanylǵan Narek Gýrýrán ustaldy. Bul týraly İshki ister mınıstrligi, İshki jáne syrtqy komýnıkasıalar departamentiniń dırektory Almas Sadýbaev málimdedi dep habarlaıdy Qamshy.kz aqparat agenttigi 24.kz-ke silteme jasaı otyryp.

21 jastaǵy Armenıa azamaty Reseı aýmaǵynda qolǵa tústi. Endi ony Qazaqstanǵa jetkizý máselesi sheshilip jatyr.

Almas Sadýbaev, QR İİM İshki jáne syrtqy komýnıkasıalar departamentiniń dırektory: "búgin QR İİM krımınaldyq polısıa qyzmetkerleri Reseı quqyq qorǵaý organdarymen birlesip, RF-nyń Omby oblysynyń aýmaǵynda osy jyldyń 1 qańtaryna qaraǵan túni Qaraǵandyda buzaqylyq áreket jasap, kisi ólimine qatysy bar degen kúdikpen Armenıa Respýblıkasynyń azamaty Narek Gýrýrándy ustady. Qazirgi ýaqytta zańnamaǵa sáıkes ony Qazaqstan aýmaǵyna jetkizý máselesi sheshilip jatyr".