Jyl saıyn teńiz deńgeıi kóterilip, álemge áıgili qalalar men teńdessiz týrısik oryndardy sý basý qaýipi artyp keledi. Keıbir qalalar qazirdiń ózinde qarqyndy túrde sý astyna ketip jatyr. Eger aralǵa barýdy armandap, kórgińiz kep júrgen qalalar bolsa, ýaqyt sozbaı saıahatqa shyqqanyńyz jón. Ǵalymdardyń aıtýynsha, keıbir qalalar jaqyn onjyldyqta jer betinen joıylýy múmkin. Qamshy.kz aqparat agenttigi zertteýshilerdiń pikirlerine súıene otyryp, "sýǵa batyp bara jatqan" qalalar týraly derekter usynady.

Maldıv – 1000-nan astam shaǵyn araldardan quralǵan tabıǵattyń teńdessiz syıy. Sońǵy jyldary osynaý tanymal týrısik orynǵa ınvestorlar qarjy salýdy azaıtqan. Sebebi, sarapshylardyń boljamyna sáıkes Maldıv araldary jyl saıyn birneshe santımetrge sý astyna batyp barady. Búgingi tańda Maldıv araldaryna jyl saıyn myńdaǵan tonna qum tógilýde. Olaı bolmaǵan jaǵdaıda aldaǵy 30 jyldyń ishinde aýmaǵy 90 myń sharshy shaqyrymdy quraıtyn Maldıv araldary tolyǵymen sý astynda qalýy múmkin.

2012 jyldan beri "Sý qalasy" atanǵan Venesıada sý deńgeıi kóterilip keledi. Tipti, kóshelerge kópirler men ýaqytsha sýasty joldary da salynǵan. Jylyna 5 mıllımetrge sýǵa batyp bara jatqan Venesıa úshin jyl saıyn týrıserdiń kóbeıýi de keri áser etýde. Bir jylda bul qalany kórýge álemnen 10 mıllıonǵa jýyq týrıs keledi eken. Adam sanynyń artýy saldarynan sý deńgeıi eki ese kóterilip ketýi múmkin.

Golandıanyń astanasy Amsterdam qalasynyń orta ǵasyrda salynǵan ǵımarattarynyń tómengi qabattary sý astyna batyp barady. Nıderlandynyń eń tanymal qalasynda sý deńgeıi jyl saıyn 8 mıllımetrge kóterilýde. Kanaly kóp qalanyń keı aımaqtary aldaǵy 10 jyldyqta tolyǵymen sý astynda qalýy múmkin degen boljamdar aıtylýda.

Manhetten qalasy teńiz deńgeıinen nebári – 4,5 metrge ǵana bıik ornalasqan. Ǵalymdar tek 2021 jyldyń ózinde teńiz deńgeıi 20 santımetrge kóteriledi dep dabyl qaǵýda. Halyq sanynyń kóptigi men ornalasý tyǵyzdyǵy, alpaýyt ǵımarattar sanynyń artýy Manhettendi tabıǵı apat aldynda sharasyz jaǵdaıǵa qaldyrýy ábden múmkin.

Ǵalymdardyń Bangkok týraly boljamy da dabyl qaǵarlyqtaı. 2030 jylǵa qaraı Taılandtyń tanymal qalasy sý astyna ketýi múmkin. Tolassyz jaýatyn jańbyrly maýsymnyń saldarynan bólek, teńiz deńgeıiniń kóterilýine qaladaǵy qonaqúıler men úlken ǵımarattardyń kóbeıýi de áser etýde.

Bangkok "sýǵa batyp bara jatqan" Azıadaǵy jalǵyz megapolıst qala emes. Onyń qasyna Shanhaı shahary da qosyldy. Ol jyl saıyn qarqyndy túrde 10 santımetrge sý astyna shógip barady. Jahandyq jylyný men atmosferanyń lastanýy álemdik mańyzy bar qalalar men tanymal týrısik oryndardyń jer betinen joıylýyna yqpal etýde.