Jambyl oblysynyń týmasy Nuraly Qıasov Denıs Tendi óltirgenin moıyndap, qalaı qylmys jasaǵanyn aıtyp berdi, dep habarlaıdy Qamshy.kz aqparat agenttigi Sputnik Qazaqstan saıtynyń deregin negizge alyp.

Nuraly Qıasov pen Arman Qudaıbergenov Tenniń kóliginiń aınasyn urlap, ony óltirdi degen kúdikke ilinip otyr. 
Qıasov Qudaıbergenovpen 2018 jyldyń aqpan aıynda Rysqulov pen Petrov kóshesiniń qıylysynda tanysqanyn aıtty. Sottalýshy Tolybaevany belgili mánerlep syrǵanaýshynyń óliminen birneshe kún buryn qurbysy arqyly bilgen.

Qıasov ózinen júkti bolǵan Mansýra esimdi qyzben romantıkalyq qarym-qatynasta bolǵan. Er adamǵa oǵan kómektesý úshin aqsha izdegen.

"18 shilde kúni shamamen 17:00-de úıge keldim. Úıde - Janar, Arman jáne aǵam men jeńgem boldy. Saǵat 18:00-ge jaqyn ýaqytta Janar monshaǵa ketti. Armanmen jeke qalǵan kezde odan aqsha suradym. Maǵan Mansýranyń dárisi men komýnaldyq qyzmetke aqsha kerek boldy. Biraq Armanda aqsha bolmady", — dedi Qıasov.

Shildeniń 18-nen 19-na qaraǵan túni Qudaıbergenov, Qıasov jáne Tolybaeva úsheýi dúkenge barady. Qıasov pen Tolybaeva kóliktiń mańynda qalyp, Qudaıbergenov saýda jasaýǵa ketedi.

Qudaıbergenov dostaryna pyshaq satyp alǵanyn habarlaıdy.

"19 shilde kúni jaldap turyp jatqan páterden shyqtyq. Men qalany bilmegendikten, Arman maǵan qaıda barý kerektigin aıtyp otyrdy. Turaqta turǵan úsh kólikti kórdik. Arman solardyń aınasyn sheship alýǵa bolatynyn aıtty. Ol bastapqyda maǵan kólik ishinde qalýdy usyndy, biraq  sońynan erip shyqtym. Men de kórgim keletinin aıttym. Janar da bizben birge shyqty", — dep jaýap berdi Qıasov.

Aıtýynsha, joldyń jıeginde aq kólik turǵan. Qudaıbergenov Qıasovqa sómkesin berip, ózi qolǵap kıedi.

"Biz kólikke jaqyndadyq, ol kóliktiń sol jaq aınasyn sheship sómkege saldy. Sol sátte adamdar kóp bolǵandyqtan, biz amalsyz toqtadyq", — dedi sottalýshy.

Qıasov jıektasqa otyryp shylym shekkenin, kólik jaqqa qaraǵan kezde tóbelestiń bastalyp ketkenin kórgenin aıtady.

"Arman ekinshi aınany sheship aldy. Shamamen jeti metrdeı jerde boldym. Keıin kóliktiń ıesi kelip qalǵanyn túsindim, biraq ony baıqamadym. Men kóliktiń art jaǵynda otyrdym, al tóbeles aldynda bolyp jatqan edi. Tóbelesti Denıs Ten bastap, Arman ony beldigin sheship alyp ura bastady", — dep eske aldy qaıǵyly oqıǵa bolǵan kúndi Nuraly Qıasov.

Qıasov Qudaıbergenovtiń jattyǵý alańyna qaraı júgirgenin kórgen. Denıs Ten ony qýyp jetedi. Qudaıbergenov onyń ýysynan shyǵyp qashqanymen, Ten sońynan qýa beredi.

"Kýágerler aıtqandaı, men onyń sońynan júgirgen joqpyn. Arman qasha alady degen úmitpen jıektasta otyra berdim", — dedi sottalýshy.

Arman Qudaıbergenov tordyń mańynda qulap, Denıs Ten ony urady.

"Men sońynan júgirip baryp Denısti qolynan tartyp qaldym. Qolymda Armannyń sómkesinen alǵan pyshaq boldy. Sol sátte ol qashyp keter degen oımen qorqytpaq boldym. Biraq Ten qashpady jáne qoryqpady. Artynan kelip qalaı pyshaq suǵyp alǵanymdy ózim de túsinbeı qaldym. Denıs Ten toqtady, men Armanǵa qaradym — ol torǵa súıenip otyrdy. Ol turyp júgirgen kezde men de júgirdim. Pyshaqty oqıǵa bolǵan jerden 20 metr qashyqtyqta tastadym", — dedi Qıasov.