Orta salmaqta burynǵy álem chempıony qazaqstandyq Gennadıı Golovkın (38-1-1, 34 KO) meksıkalyq Saýl "Kanelo" Alvarespen úshinshi ret judyryqtasýǵa múddeli emes. Bul týraly meksıkalyq boksshynyń isin júrgizetin Golden Boy Promotions prezıdenti Erık Gomes málimdedi, dep jazady Qamshy.kz aqparat agenttigi Vesti.kz saıtyna silteme jasap.

"Golovkın endi "Kanelomen" judyryqtasqysy kelmeıtin sıaqty. Jeńil jekpe-jekterdi qalaıdy, buǵan deıingilerge uqsas. Jaraıdy, kóreıik", - dep keltiredi Gomestiń sózin Boxingnews24.com.

Alaıda promoýter aldyn ala júrgizilgen kelissózderde ne bolǵanyn naqty aıtpady. Promoýter úshinshi jekpe-jek úshin Golovkındi tıimsiz kelisimshartqa kóndirmek boldy ma, álde qazaqstandyq shynymen úshinshi jekpe-jekten bas tartty ma, ol jaǵy ázirge belgisiz. Gomestiń bulaı aıtýyna ne túrtki bolǵany da túsiniksiz.

Munyń aldynda Golden Boy Promotions ıesi Oskar De La Hoııa Golovkınniń ókilderimen aldyn ala kezdesý ótkizgenin habarlaǵan. Sonymen qatar, ol Gomeske úshinshi jekpe-jek boıynsha kelissóz júrgizýdi bastaýǵa nusqaý bergen.