15 qańtardan bastap Almatynyń Saın jáne ál-Farabı kóshelerinde saǵatyna 80 shaqyrym jyldamdyqpen júrýge bolmaıdy. Burynǵy 80 sany endi búginnen bastap, 60-qa aýystyrylyp jatyr. Munyń sebebi nede?

Derekke júginer bolsaq, qazirgi kezde jol-kólik apatynyń basym bóligi júrgizýshilerdiń kinásinen, ıaǵnı jyldamdyqtyń artýynan oryn alyp otyrǵany belgili. Sondyqtan Almatynyń ishki ister departamenti osyndaı qadamǵa baryp otyr. Bul týraly jaqynda Almaty qalasynyń ákimi Baýyrjan Baıbek te málim etkeni belgili.  

Almaty qalasy İshki ister departamentiniń  resmı ókili Saltana Ázirbektiń málimetinshe, ál-Farabı dańǵylynda jyldamdyq rejımin saǵatyna 80-nen 60 shaqyrymǵa túsirý arqyly joldaǵy ýaqyt tek eki mınýtqa artatynyn aıtady. 

–Eger osy eki mınýt bir adamnyń bolsyn, ómirin aman alyp qalýǵa múmkindik beretin bolsa, onda jyldamdyq rejımin ózgertý sharasy durys sheshim dep oılaımyn. Osyǵan baılanysty aldaǵy ýaqytta adam qaýipsizdigi úshin basqa da sharalar jasalynatyn bolady,– dedi Saltanat Ázirbek.