Inspektordy óltirdi degen kúdiktiler Qyzylordada ustaldy. Bul týraly Qamshy.kz aqparat agenttigi Tengrinews.kz tilshisine silteme jasap habarlaıdy.

"Búgin İİM Qyzylorda oblystyq krımınaldyq polısıa departamentiniń qyzmetkerleri jeke úıde arnaıy operasıa júrgizý nátıjesinde Ohotzooprom"ÓB" respýblıkalyq memlekettik qazynalyq kásipornynyń ınspektory Nurǵalıev Erlan Balǵabekulyn óltirdi degen kúdiktilerdi ustady. 13 qańtarda Qaraǵandy oblysy Nura aýdany aýmaǵynda qyzmettik babynda reıd sharalary barysynda oǵan brakonerlerler shabýyl jasaǵan", - dedi İİM ishki jáne syrtqy komýnıkasıalar departamentiniń dırektory Almas Sadýbaev.

Aıǵaqtardy jınaý jáne bekitý maqsatynda tergeý sharalary júrip jatyr. Úsh kúdikti ýaqytsha ustaý ızolátoryna qamaldy. Sotqa deıingi tergeý sharalary jalǵasady.  Osyǵan deıin, "Ohotzooprom"ÓB" respýblıkalyq memlekettik qazynalyq kásipornynyń brakonerler shabýylynan zardap shekken ınspektory oqıǵa jaıly aıtyp berdi. 

♦Erlan Nurǵalıev "Erligi úshin" medaline  usynyldy

Ohotzooprom "ÓB" respýblıkalyq memlekettik qazynalyq kásiporny ınspektorlary Petr Nısyk pen Erlan Nurǵalıev 2019 jyly 13 qańtarda shamamen 18:00-de Qaraǵandy oblysy Nura aýdanyna reıdke shyqqan. Onda olar bes óli kıikti tapqan. Sonymen qatar, olar memlekettik tirkeý nómiri joq Toyota Land Cruiser markaly eki avtokólikti baıqap, bireýin toqtatý múmkin bolǵan. 

♦"Erlan Nurǵalıevti qaıtys bolǵan soń tanyp jatyrmyz, sebebi ol..."