Qazaqstanda 22-24 qańtar aralyǵynda qar jaýyp, burqasyn bolady jáne kúshti jel soǵady dep habarlaıdy Qamshy.kz aqparat agenttigi Qazgıdromettiń deregin negizge alyp.
Sınoptıkterdiń aqparatyna sáıkes, atmosferalyq aýa aǵyndary Qazaqstan arqyly batys jáne ońtústik-batys troposferalyq aýa aǵyndarymen birge birinen keıin biri ótedi. Osyǵan baılanysty qar jaýyp, ońtústikte qar aralas jańbyr, soltústikte burqasyn bolady jáne qatty jel soǵady.
«Aldaǵy úsh táýlikte respýblıkada aýa raıymen baılanysty jaǵdaı aıtarlyqtaı ózgermeıdi, al batys jáne ońtústik-batys troposferalyq aýa aǵyndary burynǵysha aýa temperatýrasyn klımattyq normadan joǵary ustap turady», — dep habarlady Qazgıdromet.
Pikir qaldyrý