Biliktilik – izdenýmen,  erinbeıtin   úlken eńbekpen   keletin  tájirıbelerdiń  nátıjesi.  Jastardy tárbıeleı  otyryp, óz eliniń patrıoty bolý mindetin  júkteý  – bizge amanat. Álemniń túkpir-túkpirinen Qazaqstanǵa kelip, bir shańyraq astyna jıylyp, joǵary bilim alyp jatqan jastar ónerlerin shyńdap, ǵylymǵa jol ashyp otyrǵandary bizdi shyn qýantady.  Ásirese, AIR kelip bilim alyp jatqan jastardyń yqylasy erekshe. Olar az ýaqyttyń ishinde tildi de meńgerip, qoǵamǵa erkin aralasyp ketedi.Sebebi, qazaq halqynyń ulttyq mádenıetine, tarıhyna, dástúrine qyzyǵady. Qazaq tiliniń 30 myńǵa jýyq sózi arab-parsy tilderinen kelgendikten olarǵa til meńgerý ońaı, ári qyzyqty. Ál-Farabı atyndaǵy QazUÝ-ń daıyndyq kafedrasynda shetelden kelgen azamattar tildik ortaǵa tez beıimdelip, qalaǵan mamandyqtaryn ıgerý úshin munda dáristen tys atqarylatyn tárbıelik jáne qoǵamdyq is-sharalar kóp, olar qoǵamymyzǵa qosylǵan aýqymdy mádenı baǵyttaǵy isteriniń mańyzyn arttyra  túspek. «Tárbıesiz bergen bilim-qaýipti» degen Ál-Farabı babamyzdyń sózi ras. Shákirt bar jaqsylyqty oqý ornynyń qabyrǵasynda qalaıdy, talanty ashylady, ortaǵa beıimdeledi, shyńdalady. Halqymyzdyń  ulttyq  rýhanıatyn  eseleýge,  onyń  dáripteýge  arnalǵan  is-sharalar jastardyń rýhanı damýyna, adamgershilik izgi qasıetterdi boıyna qalyptastyrýda   shyn  máninde  maǵynaly,  paıdaly  dep  aıta  alamyz. Qyzyqty saıystar, bilim básekeleri, óner festıváldary jyl saıynǵy dástúrli merekelerge aınalǵan. Kafedradaǵy pándik baǵyttaǵy klýbtar men úıirmelerdiń josparyna saı ótkizilgen keshter men tárbıelik saǵattar taqyryp jaǵynan da, mán-maǵynasy jaǵynan da tereń, mańyzdy. Solardyń biri – «Shamshyraq» klýbynyń uıymdastyrýymen ótken ádebı keshter men aıtýly tulǵalarmen kezdesýler. Klýb aıasynda qalamgerlermen, jýrnalısermen, qoǵam qaıratkerlerimen syr-suhbat ótkizip, olardyń ómirleri men eńbektegi jetistikterin shákirtterimizge úlgi etýdemiz. Sondaı kezdesýdiń yqpalymen aqyn Maraltaı Ybyraıymulymen, tarıhshy-ǵalym Bereket Káribaevpen, jazýshy Bolat Bodaýbaıulymen ótken tartymdy keshterdi tilge tıek etige bolady.Sonymen birge kafedrada «Jas tarıhshy», «Temirqazyq», «Ólketaný», «Jaýqazyn» syndy úıirmeler jumys isteıdi, olardyń barlyǵy jas jetkinshekterge týǵan eldiń mádenıetin kóterý, tanystyrý, ǵylym-bilimin sapaly ıgertý maqsatynda josparly ister atqarýda. Shetelden kelgen  azamattar qazaq eliniń tarıhyn, ádebıetin, ǵylymyn bilip, tanyp, damytsyn degen maqsatta jasalynyp jatqan ister munymen shektelmeıdi. Máselen, jyl saıynǵy «Atamekenim-Qazaqstan» atty óner festıvali talantty jastardyń jolyn ashady. Munda ár elden kelgen  jastar óz ónerlerimen synǵa túsedi. Osy saıysta aqyndyq qyrlary, ánshilik ónerleri, sýretshilik, bı, sahnalyq kórinisten akterlik sheberlikteri synǵa túsip, jastardyń jan-jaqty ashylýyna múmkindikter týady. Osy saıystarda kózge túsken talapkerlerdi qalamyzdyń mádenı oshaqtarynda bolyp jatqan túrli sharalarǵa qatysýǵa qosamyz. Jyl boıyna bilim men birge mádenı is-sharalarǵa, túrli murajaılar men teatrlarǵa baryp, rýhanı damý úlgisin jastardyń boıyna sińirýge tyrysamyz.  Oqý men tárbıeden basqa qoldary bos ýaqytta qaladaǵy túrli mádenı murajaılarǵa, teatrlarǵa barý ádetimizge aınalǵan. Osy rette Qazaqstannyń Ortalyq murajaıyna, zamanymyzdyń zańǵar jazýshysy M.Áýezovtyń murymdyq murajaı-úıine, kemeńger ult ustazy A.Baıtursynulynyń murajaı-úıine,ýnıversıtettiń tarıhı murajaıyna baryp, jastar zor áserge bólenedi.  Onymen birge, Ǵ.Músirepov atyndaǵy jastar teatryna baryp, ondaǵy túrli qoıylymdardy kórip, talqylap, kózqarastarynyń    jan-jaqty keńeıýine zor yqpaldy boldyq.  Faýltetimizde tek qazaq jastarymen birge munda álemniń túkpir-túkpirinen kelgen sheteldik azamattar osyndaı tanymdyq bilim alyp, qazaq tilin úırenip, qazaqtyń salt-dástúrimen tanysyp,tarıhyn, mádenıetin ıgerýde. Ál-Farabı atyndaǵy Qazaq Ulttyq ýnıversıtetinde oqyp, bilim alý – kez-kelgen jastyń armany. Oǵan daıyndyq kafedrasynyń  bilikti ustazdary kásibı bilim berip, joǵary deńgeıde oqýǵa túsýge muryndyq bolýda. Bilimdi jastar – elimizdiń bolashaǵy. Sondyqtan, jastar bilimdi sapaly alyp, ulttyq mádenıetimizdi boıyna sińirse eken deımiz.

J.S.Ádilhanova, Ó.Sandyqbaeva,

JOO deıingi daıyndyq

kafedrasynyń aǵa oqytýshycy