Keıde rúlde otyryp6 Qazaq radıosyn tyńdap otyrsań, "Bata" degen habar júrip jatady. Sol habardy orta jastaǵy bir dıktor oqıtyn. Oılap tursam, sondaǵy batalardyń birazy burynǵy keńestik sarynǵa kúılegen jasandy batalar sıaqty kórindi. Mysaly, sol habar "Atadan bota qalǵansha, bata qalsyn" dep bastalady. Men oılaımyn: Aý, "bota" degen qazaq uǵymynda kishkentaı sábı, perzent, jas urpaqty beıneleıtin edi ǵoı. Eger óziń ólgenińde artyńda bota qalmaıtyn bolsa, ondaı batanyń Qudaıǵa keregi bar ma?!
Budan sońǵy bir maqaly - "Artyńda mal qalmasyn, tal qalsyn!" Keshegi zulmat zamanda Goloshekın qazaqty qoıdaı qyryp, sholaq belsendiler "Asha tuıaq qalmasyn, asyra silteý bolmasyn!" dep urandatyp edi. Aqyrynda, mıllıondaǵan qazaqtyń da, óziniń de basyn jutty.
Mynaý maqal sonyń sál jumsaryp, ózgergen túri ǵoı. Sirá, atam qazaqtyń malsyz kúni bar ma?! "Maly ketse, qazaqtyń jany ketedi" demeı me? Burynǵynyń "Qoıan jylǵy aqsúıek jutta talaı baılar qolyna taıaq ustap qalǵan" deıtin áńgimesin de estigenbiz. Ras-aý, qorasynda maly joq qazaq taldy qaıtedi. "Sýǵa ketken tal qarmaıtyny" bolmasa...
Alla adamnyń nıetine beredi deıdi. Burynnan oıda júrgen kep edi. Keshegi júrekterdi qan jylatqan beıkúná botaqandardyń tosyn taqsyreti tilimizdegi osy bir olqylyqtardy eriksiz eske túsirdi...
"Qur aıaqqa bata júrmeıdi" degen eken babalarymyz. 
Artyńda kózderi móldiregen botalaryń bolmasa, sol batany kimge aıtarsyń...
Sózdiń de kıesi bar. Syldyraǵan sózdi betaldy uıqastyra bermeı, oılanyp sóıleıik, aǵaıyndar!

Serikbaı Qylyshbaıdyń feısbýktegi paraqshasynan.