Kishkentaı balalardyń bir nársege kóńili tolmaǵanda, uıqysy kelgende, qaryny ashqanda, qoryqqanda jer tepkilep jylaıtyny bala ósirgen kez-kelgen ata-anaǵa tanys jaǵdaı bolar. Mundaıda bárinen maza ketedi. Erkeletip, tátti berip jubatpaq bolsa da, ýanbaǵan balaǵa kópshiligi qarsy aıqaılap jatady.

Jylap jatqan balaǵa aıqaılaý – eń tómengi jáne zıandy tásil. Durysy – bul ádisten bas tartý, ashýyńyzdy aýyzdyqtap ustaý. Eger siz aıqaılaı berseńiz, balańyzdyń erkindigi azaıyp, jasqanshaqtyǵy basym bolmaq.

Biz ǵalymdardyń túrlá tájirıbeler arqyly dáleldegen kelesi tásilin sizge usynbaqpyz. Aıtýlarynsha, bul ádisti qoldansańyz, eshkimdi tyńdamaı jylap jatqan sábı alǵashqy sekindta-aq jubana qoıady eken.

Biz kópshiligine balaǵa qaraýdy umyt qaldyramyz. Anasy as bólmede tamaq daıarlap nemese telefonmen sóılesip degendeı, balaǵa nazar salmaı qoıady. Ákesi bolsa da keshke bir-aq keledi. Onyń da bala qaraýǵa murshasy bola qoıýy ekitalaı.

Ózin jalǵyz sezingen bala aıqaıǵa basady. Óksip jylaǵan balanyń da bar suraıtyny ózine nazar aýdarý shyǵar múmkin?!

Eger balańyz qatty jylap jatsa, onyń janyna kelip, qushaqtap nemese arqasyna qolyńyzdy qoıyp, kózine týra qarańyz. Meıirimmen! Mahabbatpen!

Mine, osy kezde álgi ýanbaı jatqan kishkentaıyńyz jylaǵanyn sap qoıady. Árbir otbasy, árbir sábı baqytty bolýǵa tıis.