Áıgili reseılik «Golos. Detı» mýzykalyq baıqaýynyń shef-redaktory Aleksandr Podápolskıı júrek talmasyna ushyrap, jan saqtaý bóliminde jatyr. Ol týraly áıeli Alena Borodına, Instagram paraqshasynda bólisti dep habarlaıdy Qamshy.kz aqparat agenttigi.

Áıeliniń aıtýynsha, Podápolskıı máskeýlik aýrýhanalardyń birine jatqyzylǵan. Sondaı-aq Alena Borodınanyń oıynsha, kúıeýiniń mundaı jaǵdaıǵa ushyraýyna sońǵy kezderi kóp kúızeliske túsýi sebep bolyp otyr. «Kúızelistiń saldary ózinikin almaı qoımaıdy», - dep jazdy Borodına. Naýqastyń qazirgi jaǵdaıy jaqsarǵan. 

Esterińizde bolsa, «Golos. Detı» shoýynyń aqtyq syny 26 sáýirde aıaqtalyp, arty úlken daýǵa ulasqan edi. SMS arqyly daýys berý nátıjesinde ánshi Alsý men bankır Ian Abramovtyń qyzy Mıkella baıqaýda jeńiske jetken bolatyn. Alaıda kórermenderdiń kópshiligi berilgen júldeli oryndarǵa kelispeıtinderin aıtyp, Abramovanyń jeńisin teriske shyǵardy.

Birinshi arna ujymy daýys berýdiń  shyn máninde "qıyn" ótkenin moıyndady. Onyń mán-jaıyn anyqtaý úshin arna qyzmetkerleri kıbershabýyldardy zertteýmen aınalysatyn Group-IB kompanıasyn osy iske tartqan bolatyn.

Esterńizge sala ketsek, bul baıqaýǵa Qazaqstanan Erjan Maksım de qatysyp, aqtyq márege deıin jetken bolatyn. Mýzykalyq baıqaýda Erjan Maksım ekinshi oryn ıelendi.

Sonymen qatar, bul daýǵa «Golos» (The Voice) mýzykalyq shoýynyń túpki ıesi nıderlandtyq Talpa Media Holdings kompanıasy da alańdaýshylyq bildirgen.

Usynǵan: Marjan Sábet