Jolaýshylar tasymaldaıtyn Boeing-737 Kýbadan ushyp kelip, Florıda shtatyndaǵy Djeksonvıll qalasynyń mańyndaǵy ózenge batyp ketti dep habarlaıdy qala meri Lennı Kerrıdiń sózin negizge ala otyryp.
Jarıa bolǵan aqparatqa súıensek, ushaq bortynda 136 jolaýshy jáne jeti ekıpaj múshesi bolǵan eken.
Miami Air kompanıasynyń áýe kóligi Djeksonvıll áýejaıyna qona bergen kezde aıaq astynan burylyp ketken. Ushý alańynan shyǵyp ketken ushaq Sent-Djons ózenine túsip ketipti.
Apatty jaǵdaıdan eshkim qaza tapqan joq. Túrli dárejede jaraqat alǵan jolaýshylardy aýrýhanalarǵa jetkizdi.
Oqıǵa orynynda órt sóndirýshiler men qutqarýshylar belsendi jumys jasaýda.
Usynǵan: Ádilet Mádenıet
Pikir qaldyrý