Dımash Qudaıbergenge sheteldikter "alty oktavaly adam" degen ataq berdi dep jazady Qamshy.kz aqparat agenttigi etonline.com saıtynyń deregin negizge alyp. Dımash The World's Best shoýynda amerıkalyqtardy ǵajaıyp daýsymen tańǵaldyryp, joǵary upaıǵa ıe boldy.

"Men 20 jyl boıy mýzykamen aınalysamyn. Eseıgen kezimde meniń daýsym tómendedi, biraq joǵary daýsym da ózimde qaldy. Sondaı-aq qazir meniń vokaldyq daýys kólemim óte keń", dedi Dımash.

Ánshi osyǵan deıin birneshe saıystarda baq synap, úlken sahnalarda óner kórsetkenimen amerıkalyq aýdıtorıanyń aldynda qobaljyǵanyn jasyrmady. Biraq onyń ónerine tamsanǵan amerıkalyq tóreshiler maqtaýdy qarsha boratty. 

"Eger men kózimdi jumsam, keminde 8-9 adam án salyp jatyr dep oılaǵan bolar edim. Bir mezette sen Queen-siń, al kelesi mezette sen - Pavarottı, sonda qalaısha munyń bári bir adamnan shyǵyp jatyr dep oılaımyn?", dedi Drú Berrımor. 

Usynǵan: Ásel Bolatqyzy