Qazaqta "Qyzǵa qyryq úıden tyıym" dep atalatyn tárbıe bar. Iaǵnı, qyzdarymyz mynadaı qyryq isten tyıylý kerek nemese barǵan úıleri tyıý kerek dep jazady Qamshy.kz aqparat agenttigi e-islam.kz saıtyna silteme qaldyra otyryp.

1. Úlkenge sálem ber, jolyn kesip ótpe, jalǵyz qydyrýǵa tyıym.
2. Úlkender aldynda jarysa sóıleýge tyıym.
3. Taltaıyp otyrýǵa tyıym.
4. Shalqaıyp jatýǵa tyıym.
5. Kóp aldynda uıatqa qalmaýdy, aǵaıynǵa jekkórinishti bolmaýdy árqashan oılaý.
6. Orynsyz iske urynýdan tyıym.
7. Ótirik, ósek aıtpa jáne ony aıtýshylardy tyńdama.
8. Áýret jerlerińdi jap, ashyq-shashyq júrýge tyıym.
9. Ózgelerge til jáne qol tıgizýge tyıym.
10. Kisige qarap kerilýge, esineýge tyıym.
11. Dastarhan ústinde ádemi otyr, ádepti sóıle. Orynsyz sózden tyıym.
12. Urlyq-qarlyqqa tyıym.
13. Adamdy jerleýge bara jatqandardan ozba, jolyn kespe.
14. Burańdap, qylymsýǵa tyıym.
15. Qyzyl ińirde jatyp, túske deıin uıyqtaýǵa tyıym.
16. Jalqaýlyqqa, lastyqqa tyıym.
17. Kisi aldynda qasynýǵa, kıim aýystyrýǵa tyıym.
18. Ash bolsań da, toq balsań da Qudaıyńdy umytpa.
19. Ádepsiz sóz aıtýdan tyıym.
20. Úıge, meshitke, qasıetti oryndarǵa oń aıaqpen kirý kerek. Úlkenderdiń atyn ataýǵa tyıym.
21. İshimdik-shegimdikke tyıym.
22. Urys-keriske tyıym.
23. Betten alýǵa tyıym.
24. Áıelder men qyzdarǵa er kıimi qonymsyz ári Táńiriniń buıryǵynda da joq nárse.
25. Bireýdiń baılyǵyna, dúnıe-múlkine, aqshasyna suqtanba.
26. Túnde sýǵa jalǵyz barýǵa tyıym.
27. Quran, namaz oqylyp jatqanda sóıleme, qozǵalma, turyp ketpe.
28. Tars-turs júris, qarq-qarq kúlkige tyıym.
29. Erdi qorlaýǵa, zorlaýǵa tyıym.
30. Jat jynystylarmen aralasyp jatýǵa tyıym.
31. Adamdy jáne jan-janýarlardy tebýge tyıym.
32. Búıirin jáne jaǵyn taıanýǵa tyıym.
33. Tákápparlyqqa, saıqymazaqqa tyıym.
34. Tamaqty óz aldyńnan alyp je, kisi aldyndaǵyǵa qol sozba.
35. Shekten tys jasanýǵa tyıym.
36. Qyzǵanshaqtyq, kúnshildikke tyıym.
37. Menmendik pen ózimshildikke tyıym.
38. Aldap-arbaýǵa tyıym.
39. Kórseqyzarlyqqa, nápsiqumarlyqqa tyıym.
40. Toıymsyzdyqqa tyıym.