"Nur Otan" partıasynyń sezinde memleket basshysy Nursultan Nazarbaev kópbalaly otbasylardaǵy ár balaǵa 21 myń teńge tóleýdi tapsyrdy. Qarjy mınıstri Álıhan Smaıylov atalǵan kómekti kimder alatynyn túsindirdi. Bul týraly Qamshy.kz aqparat agenttigi  Sputnik Qazaqstan tilshisiniń deregine súıenip habarlaıdy.

"Elbasy aıtqandaı, turmysy nashar otbasylardaǵy ár balaǵa eń tómengi kúnkóris deńgeıiniń 70%-y nemese shamamen 20 800 teńge tólenedi. Kópbalaly otbasy bolyp 4 nemese odan da kóp bala tárbıelenip jatqan otbasylar esepteledi", - dedi ol.

Al turmysy tómen otbasyǵa ondaǵy jıyntyq tabysty ár múshege bólgen kezde eń tómengi kúnkóris deńgeıiniń 50%-inen aspaıtyn, ıaǵnı ár adamǵa 15 myń teńgeden az tıetin otbasy jatady. 

"Osyndaı otbasylardyń jıyntyq tabysyn esepteı kelgende, olar  járdemaqynyń 3 túrinen qaǵylady. Mundaı járdemaqyny alatyndardy kóbirek qamtý úshin erteń úkimet otyrysynda atalǵan máseleni keńirek talqyǵa salamyz. Sondyqtan muny sol kezde tolyǵyraq aıtyp beremin",- dedi Álıhan Smaıylov "Nur Otan" partıasynyń szinen soń jýrnalıserge.

Sonymen qatar qarjy mınıstri prezıdent halyqtyń turmysyn kóterý maqsatynda olarǵa beriletin áleýmettik kómekti kúsheıtýdi tapsyrǵanyn atap ótti.

"Jalpy búdjetten bólinetin qarjyny áleýmettik salaǵa baǵyttaý jaıly keshe-búgin ǵana aıtylyp jatqan joq. Ásirese, bul másele sońǵy jyldary kóp kóterildi. Bizdiń halyqtyń áleýmettik kóńil kúıine áser etetin jaǵymsyz jaıttardyń kúsheıýine baılanysty áleýmettik qoldaý kúsheıtildi.

Aıtap aıtqanda, sońǵy eki jylda respýblıkalyq búdjetten áleýmettik salaǵa bólinetin shyǵyndar 34%-ten 45%-ke ósti. Aldaǵy 3 jylda atalǵan kórsetkish 49%-ke artady. Áleýmettik salaǵa basymdyq berilgeni anyq kórinip tur", - dedi vedomstvo basshysy.

Usynǵan: Gúlim Jaqan