Dúnıejúzilik densaýlyq saqtaý uıymy Qazaqstan tuzdy eń kóp tutynatyn elderdiń biri ekenin málimdedi. Bul týraly BUU Jańalyqtar qyzmeti habarlady.

Sońǵy jyldary DDSU qoldaýymen úsh zertteý júrgizilip, Qazaqstan álemdegi tuzdy eń kóp tutynatyn elderdiń biri ekeni anyqtalǵan. Mamandardyń aıtýynsha, elde árbir adam kúnine 17 g tuz tutynady, bul DDSU usynǵan normadan tórt esedeı artyq kórinedi.   

"Qazaqstanda tuzdy tutyný deńgeıiniń joǵary bolýyna tarıhı jáne zamanaýı úrdister sebep bolyp otyr. Buryn adamdar tuzdy azyq-túlikti – ásirese et pen shujyqty, sondaı-aq qurt, aıran sıaqty ashytqy sút ónimderin saqtaý merzimin uzartý úshin paıdalandy", - dep jazylǵan DDSU habarlamasynda.

Zertteý kórsetkendeı, Ortalyq Azıada dástúrli tuzdy taǵamdardy óndirý úrdisi áli de jalǵasyp keledi, al óńdelgen azyq-túlikterdiń paıda bolýy jaǵdaıdy odan saıyn nasharlatyp jibergen.

DDSU azyq-túliktiń bul zıandy bólikteri sozylmaly aýrýlardyń kóbeıýine ákeletinin eskertti.

"Dárigerler Qazaqstan halqy durys tamaqtaný, ásirese tuzdy tutynýǵa qatysty usynymdardy eskermeıtin bolsa, bul júrek-qan tamyrlary aýrýlary, semizdik, ekinshi tıpti qant dıabeti men onkologıalyq aýrýlardyń artýyna ákeletinin eskertedi", - dep atap ótti DDU mamandary.

Usynǵan: Gúlim Jaqan