"Kelınka Sabına” fılmi arqyly kópshilikke tanylǵan  Jan İzbasaruly sal bolyp týǵan balasy men áıelin tastap ketken. Búginde ol 4 jasqa kelgen balasyn izdemeıdi, eshqandaı kómek kórsetpeıdi. Alǵashqyda alıment tóleýden de bas tartqan. Quzyrly organdar sońynan túsken soń ǵana mindetin oryndaı bastaǵan dep jazady Qamshy.kz aqparat agenttigi.

Bul jaıynda Jannyń burynǵy áıeli Nazgúl “Astarly aqıqat” baǵdarlamasynda baıandap berdi.

Nazgúldiń aıtýynsha, burynǵy kúıeýi de, onyń ata-anasy da úsh jyl ishinde balany izdep kelmegen. Onyń jaǵdaıyna da múlde alańdamaǵan. Qazirgi ýaqytta akter alıment tólep turady eken. 1 jyl ishinde bergeni 114 myń teńge.

“Qansha qıynshylyqtan óttik. Sol kezde qasymyzdan tabylǵan joq, ókinishke oraı”, – dep kúrsinedi Nazgúl.
 

Al balasyna kómektesýden bas tartqan ákeniń aıtqany mynaý boldy: Men oǵan bárin berdim. Úı berdim, toı jasadym. Kelgen kúninen bastap kıindirdim. Kez kelgen dárýmeni, dárisi bar ma, jemisi bar ma, qalaǵanyn alyp berdim. Mandarın, banan, anar degendi jáshikpen alyp keletinmin. Menen talap etiletin nárseniń bárin berdim. Biraq, senen týǵan bala saý emes. Endi men keshirim suraýym kerek pe? Ne úshin? Meniń kinám ne? Múmkin kinárat menen shyǵar degen oı bolǵan, biraq olaı emes. Odan keıin meniń sap-saý balam dúnıege keldi. Balany jasaıtyn kezde qydyrdym da, dostarymmen syra da ishtim.

DSP dertine shaldyqqan balaǵa búginde Nazgúldiń anasy qarap otyr, aǵasy da barynsha qol ushyn berip turady. Nazgúldiń ózi qurylys kompanıasynda jumys isteıdi. Áriptesteri men kompanıa basshylyǵy balanyń em-domyna kómektesip, kerek kezde túsinistik tanytatyndyǵyn aıtyp rızashyldyǵyn bildirdi Nazgúl. 

Nazgúldiń ózi 8 jasynda ákesinen aıyrylǵan. Al anasy Nurjamal alǵashqyda onyń akterge turmysqa shyǵýyna qarsy bolypty. Alaıda Jan İzbasar qyzynyń qyr sońynan qalmaǵan soń, kelisýge májbúr bolǵan. 
“Qyzym turmysqa shyǵamyn, jigitim bar" dedi. Ol kezde qyzym qalada jumys istep júrdi. Jigit úılenemiz dep, ony jumystan da shyǵartyp aldy”, – deıdi anasy. 

Jan İzbasar ajyrasqan soń balany ózine qaldyrýǵa usynys jasaǵanyn aıtady. 

“Asyraı almasa, men alaıyn dedim. Keıin artyq áńgime bolmas úshin bas tartsyn dedim”, – deıdi akter.
Nazgúldiń anasy men onyń qurbysy akterdiń bul sózin rastap otyr. Alaıda Jan balany alǵannan keıin, ony arnaıy ınternatqa ótkizbekshi bolǵan. Sondyqtan da Nazgúl de, onyń anasy da buǵan kelispegen. 

Anasynyń aıtýynsha, balanyń emine aıyna shamamen 370 myń teńgedeı aqsha ketedi.  Balaǵa búginde vertıkalızator, ortopedıalyq ústel, mıyn damytatyn zattar men dárýmender kerek.

"Ulynyń qıynshylyǵy ákesiniń basyna túspese, Ámıná degen atym qurysyn"

Jannyń bergen suhbatyn kórgen baǵdarlama sarapshylary onyń óte tómen deńgeıli adam ekenin atap ótti. Áıeli men balasyna alyp bergen kıimi men tamaǵyna deıin sóz etken erkekten qaıyr joq ekenin de aıtty. Bala 1 jasqa kelgenge deıin otbasyna qamqor bolǵanyn Nazgúldiń ózi de jasyrmaıdy. Alaıda uly ekeýi dál búgin kómekke zárý. 

Bul oraıda “Perzent” balalar úıiniń tóraıymy Ámına Tájibaeva qınalyp otyrǵan anaǵa kómek kórsetetin boldy. 

“Meniń úıime kelshi, shet memleketke aparyp emdeteıin. Osy balanyń qıynshylyǵy sonyń basyna túspese, Ámıná degen atym qurysyn. Aqqan sýdyń da suraýy bar. Bul da bir Allanyń synaǵy, sender ony birge ótýleriń kerek edi. Bir bólmeni anań ekeýińe beremin. Saýd Arabıasyna baramyz. Mynadan kúderińdi úz, bul adam emes. Bunyń kóretini áli alda. Ananyń kóz jasy jibermeıdi”, – deıdi Ámına Ájibaeva . 

Qoǵamda bul jaǵdaıdyń oryn alýyna kim kináli?

"Bul jerde qazir biz eń ózekti máselege tap bolyp otyrmyz.  Sondaı Jan sekildi balalardyń  tárbıelenip shyǵyp jatýy — Ákeler mektebiniń osal ekendigin kórsetedi. Jaýapkershiligi joq, er - azamat retinde pisip jetilmeıdi. Úlken qoǵamdyq deńgeıde qaraýǵa mindetti másele dep oılaımyn. Tárbıe basy besikte ekenin eskersek bul patrıotızmniń  túbi otbasynda, otbasy osyndaı bolatyn bolsa onda mundaı adamnan  patrıotızdi de ultjandylyqty da kóre almaımyz" - dep pikir bildirdi psıholog Dildá Saqtaǵanova

Usynǵan: Farıza Jomartqyzy