10 naýryz kúni Máskeýde qoqysqa toly páterdiń ishinen tabylǵan 5 jasar maýglı qyz sóıleı bastady, dep jazady Qamshy.kz aqparat agenttigi Gazeta.ru saıtyna silteme jasap.

Búginde ol birneshe sózderdi aıta bastaǵan. Dárigerlerdiń aıtýynsha, kishkentaı qyzdan qandaı da bir qaýipti aýrý tabylmady, ol kúlimdep, aınalasyndaǵy adamdarmen tiltabysa bastapty. Kishkentaı qyz turǵan úıdiń kórshileri BAQ-qa bergen suhbattarynda ol páterge anasynyń sırek keletindigin aıtqan bolatyn.

Búldirshin sý men kereýitten qorqady

Anasy qaraýsyz tastap ketken bes jasar búldirshindi 7-8 kúnnen keıin aýrýhanadan shyǵarmaq. Bul jaıynda jergilikti BAQ-qa Balalar aýrýhanasynyń bas dárigeri aıtyp berdi. Onyń aıtýynsha, balanyń denesi kógerip, oǵan qatty jábir kórsetilmegen, biraq balaǵa durys kútim jasamaǵany kórinip tur.

Kishkentaı búldirshin óte baýyrmal, kúlimsirep qalǵan, alǵashynda, tipti, sóıleı de almaıtyn edi.

«Keıbir sózderdi aıtady, atyn atasań qaraıdy. Kúlimdep, eshkimnen de jatyrqamaıdy», - deıdi bas dáriger Osmanov Ismaıl. Mamannyń pikirinshe, búldirshin ýaqytsha sóılemeı qoıǵan, oǵan hronologıalyq stress áser etken bolýy múmkin.

Dáriger Osmanov óz sózinde búldirshinniń kereýitten qorqatynyn aıtqan edi.

«Qazir aqyryndap úırenip keledi, ol kereýitke jatyp, sonda uıyqtaıtyn boldy. Biz logopedter men psıhologtardyń kómegimen balany tolyqqandy qalpyna keltirýge tyrysamyz», - dep aıtyp ótti dáriger.

Usynǵan: Nazerke Labıhan