Máıithana qyzmetkeri  aýrýhanalarda dárigerlerdiń nelikten naýqastanǵan adamdardy qutqaryp qalýǵa tyryspaıtynyn aıtyp berdi. Oǵan adamdar aqsha berip aýzyn jappaqshy bolǵan bolǵan, tipti jaq ashyp bul jaıynda bireýge aıtatyn bolsa jumystan qýylatyndyǵyn aıtyp qorqytqan. Búgin ol mán-jaıdy ashyq baıandamaqshy dep habarlaıdy Qamshy.kz aqparat agenttigi reseılik BAQ-qa silteme jasaı otyryp.

— Siz máıithanada qashannan beri jumys isteısiz?

Máıithana qyzmetkeri Oleg Voronov: –Men ýnıversıtetten keıin aspırantýrada oqydym. Ýnıversıtet kafedrasynda jeti jyl jumys istedim. Sodan keıin bul jumystyń meniki emestigin túsindim. Kafedradaǵy jumystan shyqqan soń mamandyǵym boıynsha ınternetten jumys izdep, laıyqty degen oryndarǵa túıindememdi jibere bastadym. Bir kúni meni jumysqa qabyldaý úshin kezdesýge shaqyrdy jáne jumysqa birden qabyldady. Sol kezden bastap  máıithanalardyń birinde jumys isteı bastadym. Ol jerde ádette qyzmetkerler jetispeıdi eken. Sondyqtan dıplomy bar qyzmetkerlerdi izdemeıdi. 

Men jumys istegen máıithanada tek 2 dáriger men birneshe medbıke boldy. Osy dárigerlerdiń biri máıithananyń basshysy, ekinshisi men ózim boldym. Negizinde bul jerde kem degende 4 dáriger jumys isteýi kerek.

— Siz máıithanada nemen aınalystyńyz?

Máıithana qyzmetkeri Oleg Voronov: –Máıitti  tolyq tekseristen ótkizýimiz kerek. Sondaı-aq ústine kıgen kıimi  men ishki organdardy taldap, qaıtys bolý sebepterin anyqtaımyz. Ne sebepti qaıtys bolǵandyǵyn anyqtap,  qortyndyny  statısıkaǵa engizýim kerek. Degenmen,  barlyǵy tek qaǵaz júzinde ǵana keremet bolatyn. Men alǵashqy jumys kúnderi bul jerdegi shıkilikterdi baıqaı bastadym. Máıitti túgel tekseristen ótkizbeıdi. Máıitke tek  týysqandarynyń ótinishi boıynsha tolyq tekseris júrgiziledi. Sondaı-aq ony bas dárigerdiń ózi tekseredi. Meni tekseris júrgizilip jatqan bólmege kirgizbeıtin. Negizinde ereje boıynsha biz qaıtys bolý sebebin anyqtaý úshin ár organdy tekserýge mindettimiz. Alaıda,  máıithanaǵa ákelingen deneni eshkim ashyp ta kórmeıtin. Men tek máıithana basshysy bergen saraptamany rastap, qajetti qujattarǵa qol qoıdym. 

— Olardyń mundaı áreketke barýyna ne sebep boldy, álde bul suraq sizdi qyzyqtyrmady ma?

Máıithana qyzmetkeri Oleg Voronov: –Árıne, qyzyqtyrdy. Biraq, bas dáriger barlyq elde osylaı jasaıtyndyǵyn aıtyp qutyldy. Sonymen qatar, adamdardyń neden qaıtys bolǵany da eshkimdi qyzyqtyrǵan joq. Naýqas tiri bolǵan kúnniń ózinde ony emdeýge ýaqytyn zaıa ketirgisi kelmeıtin. Naqty aıtqanda, olar menen máıitke múldem jolamaýymdy, eshqandaı aqymaqtyqqa barmaı, tek qujattarmen ǵana aınalysyp otyrýymdy talap etti. 

Bastapqyda barlyǵy bas dárigerdiń aıtqanyndaı bolý kerek dep oıladym. Máıithana basshysy buryn osy jerde jaı dáriger bolyp jumys atqarǵan. Iaǵnı ol mundaı soraqylyqtardyń baryn burynnan biletin. Men birneshe jyl ýnıversıtette jumys istegenimmen, máıthananyń jumysy týraly   habarym bolmady.

Barlyǵy da bir kúnde ózgerip shyǵa keldi. Bir kúni men máıithanadaǵy denelerdi tasymaldaýmen aınalysatyn boldym. Tańerteń máıithanaǵa er adamnyń denesin ákelip tastady. Bir kezde máıittiń denesinde  bir nárse qozǵalǵandaı bolyp kórindi. Bastapqyda esimnen adasqan shyǵarmyn dep oıladym. Sodan keıin jaqyndap baryp qarasam, onyń qulaǵynan shamamen 0,2 mılımetr kólemindegi qurttyń shyǵyp bara jatqandyǵyn óz kózimmen kórdim. Jarty saǵattyq bos ýaqytym bolǵandyqtan, deneni ashyp kórýge qyzyqtym. Taǵy da qurttardy taptym. Onyń bas qurylysyn ashqan kezde múlde esimnen tana jazdadym. Adamnyń bas súıegindegi júzdegen qurttardy kórgendegi sezimimdi aıtyp jetkize almaımyn. Shoshynǵan kúıi ashylǵan bas súıekke birneshe mınýt qarap turdym. Ary qaraı ne isteý kerektigin de bilmedim. 

— Sodan keıin ne istedińiz?

Máıithana qyzmetkeri Oleg Voronov: –Tıisti nusqaýlyqtar boıynsha jumys isteı bastadym. Máıithanaǵa ákelgen adam dáriger taǵaıyndaǵan dıagnoz boıynsha emes, bastaǵy qurttardyń áserinen ekenin anyqtap, birden aýrýhanaǵa habar berdim. Kelesi kúni maǵan bas dárigerge nelikten máıittiń denesin ashqanymdy túsindirý kerek boldy. Ol deneni ashyp tekserýdiń qajeti joq ekendigin aıtty.

Birneshe kúnnen keıin bas dáriger eńbek demalysyna shyǵyp ketti, sodan keıin onyń ornynda men qaldym. Sol kúnnen bastap laıyqty túrde jumys isteýge shyndap kiristim. Máıithanaǵa ákelingen árbir máıitti ashyp, tekserdim. 

— Bas dáriger taǵaıyndaǵan dıagnozdyń qate bolyp shyqqan  jaıttar jıi kezdesti me? 

Máıithana qyzmetkeri Oleg Voronov: –Iá, tipti 95 paıyzy desek te bolady. Biraq bul men baıqaǵan máseleniń tek ber jaǵy eken. Kelesi máıitterdiń denesin ashyp qaraǵanda, olardyń barlyǵynan derlik  qurt sekildi parazıtterdiń bar ekendigi anyqtaldy. Mundaı parazıtter máıitterdiń búıregi men júrek tustarynda  da baıqaldy. Tipti bir máıittiń bas súıeginen 2 myńǵa jýyq qurt tabylǵan edi. Osy sumdyqtan keıin, túni boıy kóz ilmeı shyqtym.

Bir kúni bas dáriger kelip ústelimniń ústine bir paket tastap ketti. Pakettiń ishinde 4 túrli táttiler jáne konvert boldy. Konverttiń ishinde 50 myń rúbl bar eken. Bul meniń 4 aı jumys istep tabatyn aqsham. Bas dárigerdiń óziniń aılyǵynan bólek birshama paıda tabatynyn sol kezde túsindim.  

— Siz aqshany aldyńyz ba?

Máıithana qyzmetkeri Oleg Voronov: –Árıne, joq. Zańsyz ispen uzaqqa barmaıtynymdy men basynan-aq bildim. Sondyqtan, ertesine dárigerge konvertti  qaıtaryp berdim. Sebebi, qanshama adam osy dárigerlerdiń salǵyrttyǵynyń kesirinen zardap shegýde. Birneshe ret aryzdanǵanymmen eshteńe shyqpady.  Keıin jaı ǵana jumys ornyn aýystyrdym.

Aýdarǵan: Farıza Jomartqyzy