Reseılik turǵyndar qyzynyń VICH ınfeksıasyna shaldyqqanyn dárigerlerden jasyryp qalǵan dep jazady Qamshy.kz aqparat agenttigi amp.kp.ru saıtynyń deregin negizge alyp.  12 jastaǵy kishkentaı qyzdyń sońǵy kúnderi týraly adam shoshyrlyq málimetter paıda boldy. 

Ata-ana aýyr dertke shaldyqqanyn týǵan qyzyna da aıtpapty. Olar aýyr dert týraly estý qyzynyń psıhıkasyna qatty áser etedi dep qoryqqan. Sol sebepti ata-anasy Inna (esimi ózgertilgen - Red.) 14 jasqa tolǵannan keıin aýyr derti týraly tolyǵyraq aıtyp, túsindiremiz dep oılapty. Alaıda Inna óziniń ne úshin qatty qınalǵanyn bilmeı qaıtys boldy.   

Aqpan aıynyń sońynda Innanyń dene qyzýy qatty kóterile bastaıdy. Anasy jedel járdem shaqyrǵanymen, Innanyń ákesi qyzyn úıden emdeıtinin aıtyp, aýrýhanaǵa jatqyzýǵa kelisim bermegen. Keıin dene qyzýy tómendemegen soń Innany aýrýhanaǵa jatqyzady. 

Morozovsk aýrýhanasynda VICH-ke shaldyqqan Inna kóz jumdy. Ol joǵary temperatýramen aýrýhanaǵa jetkizilgen. Dárigerler Innanyń dene temperatýrasyn 37-ge túsirgen. Alaıda ol aıyǵyp kete almady.     

Innanyń ata-anasy aýrýhanaǵa emdelýge arnalǵan anyqtamany jeke dárigerinen alǵan. Sebebi onyń jeke dárigeri sol ýaqytta eńbek demalysynda bolypty. Sondaı-aq aýrýhanaǵa ákelgen kezde Innanyń medısınalyq qujaty bolmapty. Al ata-anasy dárigerlerge asqynǵan dert týraly jaq ashpaǵan. 

Inna VICH-ti juqtyrǵan adamdarǵa arnalǵan dári-dármekterdi ishken. Sondaı-aq aýrýhanada da sol dárilerdi kúnine 2 mezgil iship júrdi. Alaıda dárigerler Innanyń asqynǵan derti týraly bilmegendikten, bul dárilerge nazar aýdarmaǵan kórinedi. 

Innanyń áke-sheshesi de VICH juqtyrǵan. Inna Morozovsk aýrýhanasynda em qabyldaı bastaıdy. Naýqas asqazany aýyratynyn aıtyp, shaǵymdanady. Sol kezde dárigerler gastrıt bolýy múmkin ekenin aıtqan. Qandaı em-dom qoldansa da Inna saýyǵa qoımady. 

Inna únemi anasyna habarlasyp, óziniń hal-jaǵdaıyn aıtatyn. Birde Inna anasyna "Anashym, men kúıip baramyn. Men aýyr haldemin", dep habarlama jazyp jiberedi. Bul habarlamany oqyǵan anasy "shalbaryńdy shesh" dep jaýap jazǵan. Alaıda bul habarlamany oqyǵan Inna jaýap berip úlgermeıdi. Anasy birden qyzyna habarlasady. Alaıda Inna telefon tutqasyn kóterýge shamasy kelmeıdi. Keıin dárigerlerge habarlasqan kezde qyzynyń jansaqtaý bóliminde jatqanyn estıdi. Dárigerler jansaqtaý bóliminde jatqan naýqas týraly eshqandaı aqparat bere almaıtynyn aıtqan soń ata-anasy aýrýhanaǵa keledi. Alaıda áke-sheshesi kelgen boıda Inna o dúnıelik bolady. 

12 jastaǵy qyzdyń ólimine qatysty tekserý jumystary júrgizilip jatyr. Barlyq iske dárigerlerdi kinálaýǵa bolmaıdy. Innanyń shyn máninde búıregi aýyrǵan jáne VICH dertine shaldyqqany belgili boldy. Dárigerler aýyr derti jaıly bilmegendikten 12 jastaǵy qyzǵa qajetti kómekti kórsete almady. Sondaı-aq Innanyń ólimine VICH-ke qarsy dári-dármekpen basqa dárilerdi bir ýaqytta ishkendigi sebep bolýy múmkin.