Qazaqstannyń týmasy amerıkalyq BAQ-ty tańǵaldyrdy dep jazady Qamshy.kz aqparat agenttigi usa.one saıtynyń deregin negizge alyp. 45 jastaǵy Tımofeı Iýrev qazir Nú-Iork shtatynyń turǵyny. Ol áıelimen birge Irvıngtonsk sý qoımasynyń mańynda jıi serýendeıdi eken. Sondaı kúnderdiń birinde amerıkalyq BAQ-tyń juldyzyna aınaldy.

Kún áli jylyna qoımaǵandyqtan sý qoımasyn juqa muz basqan. Bir kezde ol muzdyń ústinde júrgen 2 ıtti kóredi. Ittiń ıesi jaqyn mańda júr eken. Ol óziniń ıtterin shaqyrǵan kezde, muz shytynap, ıtter sýǵa batyp ketedi. Itter barynsha tyrysqanymen, jaǵaǵa óz betimen shyǵa almady.

Tımofeı oılanbastan syrt kıimin sheship, ıtterdi qutqarýǵa bekinedi. Ol ıtterdi qutqaryp, jaǵaǵa alyp shyǵady. Al onyń áıeli Melıssa bolǵan jaıtty vıdeoǵa túsiredi. 

Tımofeı bolsa bul áreketin "qutqarýshylar kelgenshe ıtter ólip qalar edi", - dep túsindirdi. Onyń aıtýynsha, amerıkalyq áıel ıtteriniń aman-saý ekenin kórgende qýanyshtan jylap jibergen. 

Tımofeı Iýrev Qazaqstanda dúnıege kelgen. Biraq balalyq shaǵy Sibirde ótipti. Sondaı-aq ol júzýmen aınalysady eken. 

Aýdarǵan: Ásel Bolatqyzy