Elbasy Nursultan Ábishuly Nazarbaev 19 naýryz kúni ókilettiligin toqtatý jaıynda málimdegenimen qatar, aldaǵy ýaqyttaǵy qyzmetimen de bólisken bolatyn. Bul týraly Qamshy.kz aqparat agenttigi habarlaıdy.

"Ózderińiz bilesizder, zańdarymyzǵa sáıkes men Tuńǵysh Prezıdent – Elbasy (Ult kóshbasshysy) mártebesine ıe boldym. Eleýli ókilettigi bar Qaýipsizdik Keńesiniń Tóraǵasy retinde qyzmet ete beremin. «Nur Otan» partıasynyń Tóraǵasy, Konstıtýsıalyq Keńestiń múshesimin. Iaǵnı ózderińizben birge bolamyn. Elimizdiń, halqymyzdyń qamy – meniń múddem bolyp qala beredi.

Táýelsiz Qazaqstan memleketiniń negizin qalaýshy retindegi aldaǵy mindetim – basshylardyń jańa býynynyń bılikke kelýin qamtamasyz etý. Olar elimizdi jańǵyrtý prosesterin jalǵastyratyn bolady. "- degen bolatyn Elbasy.

Endeshe Elbasynyń bılikte senim artyp otyrǵan jas býyn ókilderi kimder bolýy múmkin? 

Baýyrjan Baıbek, Almaty qalasynyń ákimi

Almaty qalasynyń ákimi  Baýyrjan Baıbek  «Nur Otan» partıasy Tóraǵasynyń birinshi orynbasary qyzmetin atqarǵan. Baýyrjan Qydyrǵalıuly 1974 jyly 19 naýryzda Almaty qalasynda týǵan. Ol  «Bolashaq» baǵdarlamasy boıynsha Gete ınstıtýttyn (Bremen qalasy, 1995) «Nemis tili»; «Bolashaq» baǵdarlamasy boıynsha Lúbek qalasyndaǵy Joǵary mektepti (GFR, 1998) pedagog; Ortalyq Azıa ýnıversıtetin (2002) halyqaralyq ekonomıs mamandyqtary boıynsha bitirgen.

Almatynyń jańa ákim bolyp aýysqanda Baýyrjan Baıbekke Elbasy: «Baýyrjan Baıbek - osyndaı laýazymǵa taǵaıyndalyp otyrǵan "Bolashaq" baǵdarlamasynyń birinshi túlegi. Ol Syrtqy ister mınıstrligi júıesinde, Prezıdent Ákimshiliginde jumys istedi, "Nur Otan" partıasy tóraǵasynyń birinshi orynbasary boldy. Qasymda jumys isteı júrip, meniń qyzmetimdi kórdi, búkil respýblıkamyzdy aralady, mańyzdy saılaý naýqandaryna qatysty, al bizdi alda parlamenttik saılaý kútip tur, bul ońaı synaq emes. Onyń qala aldynda turǵan mindetterdi elde júzege asyrylyp jatqan baǵdarlamalar aıasynda sizdermen birlesip sheshe alatynyna senimdimin», - dep baǵa bergen.

Dáýren Abaev, Qazaqstan Respýblıkasy Aqparat jáne qoǵamdyq damý mınıstri

Dáren Abaev 2001 jyly Ál-Farabı atyndaǵy Qazaq memlekettik ulttyq ýnıversıtetin úzdik bitirgen. Osy ýaqytqa deıin Dáýren Abaev  Qazaqstan Respýblıkasy Syrtqy ister mınıstrliginiń ortalyq apparatynda jumys istedi. Sonymen qatar, Qazaqstan Respýblıkasynyń Ázerbaıjandaǵy jáne Nıderland Koróldigindegi Elshilikterinde dıplomatıalyq qyzmet atqardy. 2007 jyldyń mamyry men 2007 jyldyń jeltoqsany aralyǵynda - Qazaqstan Respýblıkasy Syrtqy ister mınıstrliginiń Baspasóz qyzmeti bóliminiń bastyǵy bolyp taǵaıyndalyp,  2007 jyldyń jeltoqsany men 2008 jyldyń jeltoqsany aralyǵynda – Qazaqstan Respýblıkasy Prezıdenti Protokolynyń bas sarapshysy, konsýltanty boldy. 2008 jyldyń jeltoqsany men 2009 jyldyń qazany aralyǵynda - Qazaqstan Respýblıkasy Prezıdenti Baspasóz hatshysynyń orynbasary, 2009 jyldyń qazanynan - Qazaqstan Respýblıkasy Prezıdenti Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory, 2011 jyldyń qazanynda Memleket basshysynyń Ókimimen Qazaqstan Respýblıkasy Prezıdentiniń Baspasóz hatshysy bolyp taǵaıyndaldy. 2011 jylǵy shildeden - Qazaqstan Respýblıkasy Prezıdentiniń keńesshisi bolsa, 2016 jylǵy 6 mamyrdan Qazaqstan Respýblıkasy Aqparat jáne qoǵamdyq damý mınıstri qyzmetin atqarady. 

Altaı Seıdiruly Kólginov, Batys Qazaqstan oblysynyń ákimi.

Altaı Seıdiruly Kólginov 1978 jyly dúnıege kelgen. Altaı Kólginov A.Iassaýı atyndaǵy halyqaralyq qazaq-túrik ýnıversıtetin, QR Prezıdenti janyndaǵy memlekettik basqarý akademıasyn, «Bolashaq» baǵdarlamasy boıynsha Ulybrıtanıanyń Aberdın ýnıversıtetin bitirgen. Memlekettik jáne jergilikti basqarý magıstri, halyqaralyq komersıalyq quqyq magıstri. 2000 jyly Qazaqstan Respýblıkasynyń Qarýly kúshterinde qyzmet etken. 2001-2008 jyldary Qazaqstan Respýblıkasy Ádilet Mınıstrligi, Memlekettik qyzmet isteri Agenttigi jáne Bas prokýratýra organdarynda ár túrli laýazymda qyzmet atqarady. 2008-2010 jyldary — «AlashMedıaGrýpp» JSHS bas dırektorynyń orynbasary. 2010-2012 jyldary QR Prezıdenti Ákimshiliginiń aımaqtyq-uıymdastyrý jáne memlekettik baqylaý jumystary bóliminiń memlekettik ınspektory qyzmetin atqardy. 2012-2013 jyldary Batys Qazaqstan oblysy ákiminiń orynbasary. 2013-2016 jyldary Oral qalasynyń ákimi qyzmetinde boldy. 2016 jyldyń 26 naýryzynan Batys Qazaqstan oblysynyń ákimi.

Esterińizge sala ketsek 2016 jyly Elbasy Nursultan Ábishuly Altaı Kólginovty Batys Qazaqstan oblysynyń ákimi etip ózi taǵaıyndaǵan bolatyn.

Samat Ábish – UQK tóraǵasynyń birinshi orynbasary

Samat Satybaldyuly Ábish 1978 jyly 20 tamyzda Almaty oblysynda týǵan. "Dáýir" baspasynyń jetekshisi. QR UQK akademıasyn (2000); RF SBQ akademıasyn (2002) bitirgen. Qazaq, orys jáne nemis tilderin biledi. 2000 jyldan - QR UQK organdarynda qyzmet atqarǵan. 2006 jyldyń maýsym aıynan - QR Ádilet mınıstirligi Qylmystyq-úderistik, qylmystyq atqarý basqarmasynyń qylmystyq-atqarý zańnamasy bóliminiń bastyǵy qyzmetin atqardy. 2006 jyldyń qyrkúıek aıynan - QR Ádilet mınıstrligi Tirkeý qyzmeti komıteti tóraǵasynyń orynbasary, 2007 jyly komıtet tóraǵasy, 2008 jyldyń qazan aıynan - QR Ádilet mınıstrliginiń jaýapty hatshysy, 2010 jyldan beri - QR Ulttyq qaýipsizdik qyzmeti Ortalyq apparaty Mamandar departamentiniń bastyǵy bolyp taǵaıyndalǵan.

2007 jyly «Eren eńbegi úshin», 2008 jyly "Astananyń 10 jyldyǵy" medaldarymen marapattalǵan.

Jaqsylyq Omar, Óskemen qalasynyń ákimi

Jaqsylyq Muqashuly Omar 1980 jyly 28 qyrkúıekte Almaty oblysy Alakól aýdany Úsharal aýylynda dúnıege kelgen. 2001 jyly Abaı atyndaǵy Almaty memlekettik ýnıversıtetin támamdaǵan.

Jaqsylyq Omar – ekonomıka ǵylymdarynyń magıstri. Eńbek jolyn 2001 jyly Mádenıet, aqparat jáne qoǵamdyq kelisim mınıstrliginde jetekshi maman bolyp bastaǵan. Ár jyldary QR Qarjy mınıstrliginde, «Qazaqstan» teleradıokorporasıasynda, SHQO ishki saıasat basqarma basshysynyń orynbasary, keıin basshysy bolyp qyzmet etti. 2011 jyldan 2013 jylǵa deıin SHQO mádenıet basqarmasynyń basshysy boldy. Óskemen qalasynyń ákimi bolǵanǵa deıin Almaty oblysy ákiminiń orynbasary qyzmetin atqarǵan.