Amerıka ǵalymdary temekige táýeldilikten aryltýdyń júz paıyz júzege asatyn jańa jolyn oılap tapty dep habarlaıdy Qamshy.kz aqparat agenttigi New England Journal of Medicine baslymyna silteme jasap.

Zertteý jumystaryna 6000-ǵa jýyq adam qatysqan. Eriktiler top-topqa bólinip, ár topqa zıan ádetten aryltýdyń san túrli ádisteri qoldanylǵan. Bir topqa tek qana temekiniń densaýlyqqa qanshylyqty keri áseri bar ekeni týraly aqparat berilse, kelesi bir topqa elektrondyq temekilerge ótý usynylǵan. Al endigi bir topqa qarjylaı syıaqy ýáde etilgen. Kimde kim alty aı boıy temeki tartpaıtyn bolsa, sol adamǵa 600 dollar tólenetinin aıtqan.

Zertteý nátıjesi boıynsha, aqshalaı syıaqy usynylǵan top edáýir jaqsy kórsetkishterge qol jetkizgen. Temekiden tyıýdyń dástúrli ádisteri 0,5 paıyzdan 1 paıyzǵa deıingi ǵana nátıje berse, al tyń tásil boıynsha synalǵandardyń kórsetkishi aldynǵylarmen salystyrǵanda birneshe esege kóp.

Mamandardyń pikirinshe, bul jańa ádis óz qyzmetkerlerine jaman ádetten arylýǵa kómekteskisi keletin kompanıalar men kásiporyndar úshin paıdaly bastama bolmaq.

Aýdarǵan: Dáýren Sybanbaı