Jaqan Sábıtuly medısına ýnıversıteti gıgıena ınstıtýtynyń profesory, aspırant jetekshisi, 12 jyl jalpy gıgıena ınstıtýty bastyǵynyń  orynbasary bolyp ٴqyzmet istegen, qazirgi kezde Shyńjań medısına ýnıversıteti baqylap-tekserý komıtetiniń múshesi. Ol Morı Qazaq avtonomıaly aýdanynda dúnıege kelgen.1975 jyly Beıjiń medısına ýnıversıtetine qabyldanyp, sol jerde kásiptik bilimmen qatar aǵylshyn tilin, japon tilin qosymsha úırenedi.

1978 jyly oqýyn úzdik bitirip, Shyńjań medısına ýnıversıtetinde oqytýshylyq ómirin bastaıdy. Qazirge deıingi 30 jyldyq ustazdyq ómirinde «ortany qorǵaý ilimi», «sapaly týý», «orta geohımıasy», «ortany tekserý», «orta yqpalyn baǵalaý», «orta sapasyn jalpylyq baǵalaý» sıaqty sabaqtardy júrgizdi. Jaqan sonymen birge ǵylymı-zertteý taqyryptaryna da belsene atsalysyp, «ftor jáne arsenmen ýlanýdyń aldyn alý», «Shyńjańdaǵy 100 jastan asqan qarttarǵa zertteý», «Shyńjańdaǵy joǵary qan qysym aýrýy kóp kezdesetin jáne sırek kezdesetin ulttardyń tuqym qýalaý qaınaryn zertteý», «maı quramynyń almasýy jáne vıtamınderdiń atqaratyn róli» sıaqty 7 zertteý obektisin tabysty oryndady.

Jaqan ǵylymı kitap jazýdy da qaǵys qaldyrmady . Onyń «Medısınalyq statısıka» (Shyńjań halyq baspasy), «Áleýmettik tazalyq» (Shyńjań ǵylymı-tehnıka, densaýlyq saqtaý baspasy), «Vıtamınniń zerttelýi» (Tokıoda japon tilinde), «qoǵamdyq medısına jáne densaýlyq» (Shyńjań  ǵylymı-tehnıka, densaýlyq saqtaý baspasy), t.b kitaptary jaryq kórdi.

Ol 1996 jyldan 1998 jylǵa jáne 2003 jyldan 2004 jylǵa deıin Japonıada magıstrlik oqý kezinde jazǵan «Ýly hımıalyq zattardyń úlken mı, baýyr, júrek, ókpe jáne búıregindegi 30 ٴtúrden astam maıly qyshqylyna áseri jáne olardy vıtamın E men tizgindeý rólin zertteý», «Juńgo men Japonıadaǵy 100 jastan asqan qarttardyń ortaq ǵumyr keshýin salystyryp zertteý» sıaqty maqalalary japon tilderinde shyǵatyn bedeldi basylymdarda jarıalanyp, shetel mamandarynyń joǵary baǵalaýyna ıe boldy. «Shyńjańdaǵy 100 jastan asqan qarttardyń uzaq jasaý sapasyn zertteý», «Shyńjańdaǵy bý arasanynyń ftor quramy jáne onyń shıpaly áserin zertteý», «Shyńjańdaǵy ٴtabıǵı uzaq jasaǵan uıǵyr qarttarynyń jasyn turaqtandyrý jáne qatysty faktorlardy zertteý» ǵylymı zertteýleri  sátti oryndalyp, avtonomıaly aımaqtyń Ǵylymı-tehnıka salasynyń 2, 3, 4-dárejeli syılyqtaryn enshiledi.

Ol Japonıada úsh jyl arnaýly oqýdan tys, Nanjıń medısına ýnıversıteti sıaqty elimizdegi áıgili medısına ýnıversıtetterinde áldeneshe ret bilim aldy. 1998 jyly aspırant jetekshisi bolǵannan beri ár ulttan 12 aspırant tárbıelep shyǵardy. Japonıanyń óz ishinde bolǵan halyqaralyq ǵylymı talqy jıynyna 4 ret qatysyp, qundy ǵylymı maqalalar oqydy. Osyndaı eńbekteri úshin Shyńjań medısına ýnıversıteti jaǵynan «Ozat qyzmetker», «Ulttar dostyǵynyń úlgisi», «Tańdaýly oqytýshy» bolyp 13 ret saılandy. Sonymen qatar 1992 jyly avtonomıaly aýdannan «Az ulttyń tirekti oqytýshysy» bolyp dańq tórinen oryn aldy. 1994 jyly dosent, 1998 jyly aspırant jetekshisi, 2001 jyly kásiptik-tehnıkalyq profesor ataǵyn aldy.

Bul kúnderi Jaqan Sábıtuly Juńgo qorshaǵan ortany qorǵaý ǵylymı qoǵamynyń, Shyńjań saqtyq medısına ilimi qoǵamynyń, Shyńjań  SPID aýrýy jáne jynystyq aýrýynan saqtaný qoǵamynyń turaqty múshesi; Juńgo saqtyq, medısına ilimi qoǵamynyń, Juńgo ftor zertteý qoǵamynyń múshesi; Úrimji qalasy ǵylymı-tehnıka salasy boıynsha syılyǵynyń ıegeri, Shyńjań medısına ýnıversıteti  aspıranttardyń ǵylymı maqalalaryn baǵalaý komıtetiniń baǵalaýshysy.