2019 jylǵy 28 mamyrda Ortalyq komýnıkasıalar qyzmetinde Qazaqstan Respýblıkasy İshki ister mınıstriniń orynbasary Iý. V. Ilınniń qatysýymen «2019 jylǵy shomylý maýsymyn ótkizýge daıyndyq týraly»taqyrybynda brıfıń ótti dep habarlaıdy Qamshy.kz aqparat agenttigi QR İİM TJK baspasóz qyzmetine silteme jasap.
Elimizdiń sý aıdyndarynda qaýipsizdikti qamtamasyz etý maqsatynda TJK bólimsheleri polısıa departamentimen jáne jergilikti atqarýshy organdarmen birlesip praktıkalyq jáne profılaktıkalyq is-sharalar keshenin júrgizýde.
Búgingi tańda elimizde 107 qalalyq jáne 500 jeke jaǵajaı sýǵa shomylý úshin belgilengen. Sýǵa shomylýǵa tyıym salynǵan 1 myńnan astam oryn belgilendi, ol jerlerde 1510 eskertý belgileri jáne adamdardyń qaza bolý faktileri, sebepteri men oǵan yqpal etken jaǵdaılar jazylǵan 378 kórneki stendter ornatylǵan.
Jeke jaǵajaılarda kezekshilik etý úshin TJK bólimshelerinde arnaıy daıarlyqtan ótken qoǵamdyq qutqarýshy-jasaqshylar esebinen 114 obektilik qutqarý beketi quryldy. Sý aıdyndarynyń qaýipti jáne qorǵalmaıtyn ýchaskelerinde (tabıǵı jaǵajaılar) jedel-qutqarý jasaqtary qosymsha 53 mobıldi qutqarý beketteriniń kezekshiligin uıymdastyrdy.
Sýda adamdardyń qaza bolýyn aldyn alýdyń negizgi quraldarynyń biri halyqpen aqparattyq jumys bolyp tabylady. Jyl basynan beri óńirlerde 28 brıfıń ótkizildi, halyq arasynda 65 myńnan astam úgit-nasıhat ónimderi (paraqshalar, jadynamalar, broshúralar) taratyldy.
Sýdaǵy balalar óliminiń aldyn alý máselelerine erekshe kóńil bólinedi.
Elimizdiń oqý oryndarynda jospardan tys ata-analar jınalysy ótkizildi, onda ata-analarǵa sý aıdyndaryndaǵy qaýipsizdik sharalary jetkizildi. Sýda qaýipsizdik boıynsha 152-den astam ınteraktıvti sabaq uıymdastyrylyp, ótkizildi, onyń barysynda 140 myńnan asa oqýshy qamtyldy.
Sý qoımalaryna jaqyn ornalasqan 45 balalar lagerinde qutqarýshylar jaǵajaıdyń túbin tekserip, qutqarý jabdyqtaryn tekserip, aqparattyq stendter ornatty.
Sýǵa shomylý maýsymynyń qyzǵan ýaqyty maýsym-shilde aılary (aýa temperatýrasynyń kóterilýi baıqalady), osy kezde elimzidegi halyqtyń basym bóligi eńbek demalysyna, balalar jazǵy demalysqa shyqqan ýaqyt. Ol kezde adamdar jappaı sý aıdyndaryna barady dep kútilýde.
Jyl saıyn adamdardyń sýda qaza bolýynyń negizgi sebebi sýdaǵy qarapaıym qaýipsizdik erejelerin buzý bolyp tabylady (óz kúshterin jete baǵalamaý, júze almaý, mas kúıinde sýǵa túsý), júrgizilip jatqan jumysqa qaramastan, sýdaǵy qaýipsizdik sharalaryn aldyn alý boıynsha el halqy, artyq ózine-ózi senimdilik, óz kúshteri men múmkindikterin qaıta baǵalaý, sýdaǵy qarapaıym tártip erejelerin elemeý saldarynan jyl saıyn sý aıdyndaryndaǵy oqıǵalarǵa ushyraıdy.
Tótenshe jaǵdaılar komıteti elimizdiń azamattaryn sýdaǵy qaýipsizdik erejelerin saqtaýǵa shaqyrady.
Pikir qaldyrý