Shyny kerek, shańyraq kótergende barlyq jan ıesi baqytty ǵumyr keshýdi maqsat etedi. Alaıda, kúıbeń tirliktiń kóp máselesi otbasy beriktigin tekserip kórgisi keletindeı, jer betinde qıyndyq pen qatań syndarǵa kezikpegen bir de bir otbasy joq dese bolǵandaı. Barlyq ómirdiń syndaryna otbasynyń negizgi eki qozǵaýshy kúshi – otanasy men otaǵasy tótep berýi tıis.
Erli- zaıyptylar birin biri baǵalaýy tıis. Bar yqylasyńyzdy onyń jaqsy qasıetterine bólińiz. Eki jannyń sezimtaldyq jaqyndyǵa pikir qaıshylyǵyn da jeńe alady. Úıdegi ekeýara jylýlyqtyń joqtyǵy maıda – shúıde kemshilikterdiń kórinýine áser etedi. Mundaı jaǵdaıda asa qatty mán berý kerek.- Senim. Januıalyq ómir bastalǵanda eń aldymen – aq jaýlyqty men tizgin ustar arasyndaǵy myzǵymas senim bolýy shart. Senimsizdik saldary kúdiktený, urysý, jan – jaldasý sıaqty keri emosıalardy týǵyzady. Al, bul keleńsizdikti dereý qolǵa almasa, sońy ajyrasýǵa alyp kelýi múmkin.
- Jaqyn aralasyp pikirlesý qajet. Jaqsy qarym- qatynastyń qas jaýy – enjarlyq. Nemquraılylyq saldarynan jubaılar birin biri tyńdamaı, sezinbeı daýlasa alady. Sondyqtan, pikirlesý arqyly birin- biri tolǵandyryp , mazalap júrgen jaıttardan habar alyp otyrǵan durys.
- Ortaq qyzyǵýshylyq. Qyzyǵýshylyqtyń eki adamǵa ortaq bolýy rýhanı turǵyda jaqyndata túsedi. Eger joldasyńyzdyń isiniń biri qyzyqtyrmasa, eki janǵa da ortaq bola alatyn sebepterdi izdegen abzal. Árıne, bul tek juptyń bos ýaqyttary únemi birge ótýi tıis degendi bildirmeıdi.
- Qamqorlylyq pen muqıattylyq. Kez kelgen otbasyna jáne onyń múshelerine jan jylýy men mahabbat qajet ekeni sózsiz. Salqyndyq pen óshpendilik otbasyn kúıretip tynatyn kereǵar áreketter bolyp tabylady. Sondyqtan, adamdar birin biri aıalap , qamqorlyq tanytyp , biriniń taǵdyryna biri asa muqıattylyqpen qaraýy tıis.
Qarym – qatynas arasyndaǵy romantıka. Biz janymyzǵa jaqyn sanaıtyn adamdy qýantqymyz keledi, onyń mereıiniń ústem bolýy týraly qıaldarǵa berilemiz. Munyń ózi romantıkalyq elementter bolyp tabylady. Shyndyǵynda romantıkadan úrkýdiń qajeti joq. Ajyrasqan juptardyń arasynda romantıkanyń joqtyǵyn mysalǵa keltiretinder tym kóp eken. Kútpegen jerden romantıkalyq keshke shaqyryp, gúl usyný otbasy beriktigin ornata túsetin sebepterdiń birine jatady.- Otbasylyq mindetterdi bólisý. Árbir adam otbasyn qurý aldynda januıaly bolǵan kezdegi mindetteri týraly oılanatyny belgili. Sondyqtan, jańa ómir bastar aldynda birden mindetterdi bólisip alǵan jaqsy. Úıdegi ydysty kim jýyp, qomaqty qarjyny kimniń úıge ákeletini mańyzdy emes. Mańyzdysy- qaı jumysta eki jannyń nátıjeli jumys atqara alatyndyǵy.
- Ózge shańyraqtyń erli- zaıyptylaryn ózderińizben salystyrmańyzdar. Ózgelerdiń qarjylyq , turmystyq jaǵdaıyn salystyrý – otbasyna or qazǵanmen birdeı. Ár adam áý basta ózi ıdeal sanaǵan jandy ómirlik serik etýge bel býady. Áýelgi tańdaýǵa nuqsan keltirýge bola ma eken?
- Músinińizdi qalpynda ustańyz. Belsendi ómir súrińiz, densaýlyǵyńyzben dene bitimińizge mán berińiz. Sizdi kórgen jannyń kózi toıatyndyǵy jubaıyńyzǵa ǵana emes, ózińizge de jaqsy kóńil kúı syılaıdy.
- Kúızelisten arylýǵa kúsh salyńyz. Jamandyq tek qana jamandyqty shaqyrady. Sondyqtan shydamdylyq tanytyp, sabyrǵa kelip otyrýdy ádetke aınaldyrǵan jón. Sebebi, kúızelistiń tizginin bosatyp jiberseńiz otbasylyq ómirde retsizdik oryn alady.
Turan Mural
