Memlekettik eńbek ınspeksıasy basqarmasynyń basshysy Igilik Aýbakırovtyń aıtýynsha, jedel jeli qyzmetkerlerdiń quqyqtary buzylý faktilerine der kezinde jaýap qatý úshin qosylǵan, – dep habarlaıdy Atyraý oblysynyń óńirlik komýnıkasıalar qyzmeti.

I.Aýbakırov eńbek ınspeksıasynyń mynadaı negizgi mindetterin atap ótti: ​ ​ ​ ​ ​ ​

– QR eńbek zańnamasynyń saqtalýyna memlekettik baqylaýdy qamtamasyz etý;

– Qyzmetkerlerdiń quqyqtary men erkindikteriniń (sonyń ishinde, qaýipsiz eńbek jaǵdaılarynyń) saqtalýy men qorǵalýyn qamtamasyz etý;

– QR eńbek zańnamasynyń máseleleri boıynsha qyzmetkerler men jumys berýshilerdiń ótinimderin, málimdemelerin, aryzdaryn qaraý.

– Jedel jelide 1302 tez qońyraý shalý nómirin, sondaı-aq, WhatsApp-ta 87719927263 nómirin iske qostyq. Solar arqyly oblystyń turǵyndary ózderin qyzyqtyratyn barlyq máseleler boıynsha erkin aqyl-keńes ala alady, – dedi Igilik Aýbakırov. – Túsken sıgnaldardyń barlyǵyna biz ýaqtyly jaýap qatamyz.​ ​ ​ ​ ​

​Sondaı-aq, I.Aýbakırovtyń aıtýynsha, qazir Teńiz ken ornynda memlekettik eńbek ınspeksıasynyń keńsesi ashylǵan. Qyzmetkerler tarapynan eńbek quqyqtaryna qatysty saýaldar týyndaǵan jaǵdaıda, vahtalyq poselkedegi ınspektorlar ýaqtyly jaýap qata alady. ​

– Aldaǵy ýaqytta barlyq iri vahtalyq poselkelerde ınspektorlardy ornalastyrýdy josparlap otyrmyz, – dep oı bólisti basqarma basshysy. –Eńbek ınspektorlary jergilikti jerlerde túsken aryzdardyń barlyǵyna jaýap qatyp otyrady. Teńiz ken ornynda olar óziniń tıimdiligin dáleldep úlgirdi.​ ​ ​ ​

Sondaı-aq, I.Aýbakırovtyń aıtýynsha, munaı salasyndaǵy qyzmetkerlerdiń kontraktileriniń aıaqtalýyna baılanysty kóp suraqtar týyndaıdy. ​ ​ ​ ​

– Osy jerde kelesideı máseleniń basyn ashyp alý qajet: eger adam bir jylǵa kontraktige turyp, ol aıaqtalǵasyn, jumys kóleminiń oryndalýyna baılanysty qyzmetkermen esep aıyrysý jasalsa, bul zań buzýshylyq bolyp tabylmaıdy. Biraq, qyzmetkerdi kontraktisi bitkenshe laýazymynan bosatyp jatsa, bizge habarlassyn. Biz tekserý júrgizip, onyń quqyqtaryn qorǵaý úshin bar múmkindikterdi paıdalanamyz, – dep sendirdi Atyraý oblysy memlekettik eńbek ınspeksıasy basqarmasynyń basshysy. ​