"Nur Otan" partıasy Tóraǵasynyń Birinshi orynbasary Baýyrjan Baıbek óziniń İnstagram paraqshasynda elimizdiń pedagogtaryn kásibı merekelerimen quttyqtady, dep habarlaıdy Qamshy.kz aqparat agenttigi. 

"Qadirli ustazdar! Barshańyzdy kásibı merekelerińizben shyn júrekten quttyqtaımyn!
⠀
Táýelsizdiktiń alǵashqy kúninen bastap Elbasy bilim berý isine úlken kóńil bólip, bul sala memlekettik saıasattaǵy basymdyqtardyń biri bolyp belgilendi. Soǵan baılanysty ustazdar qaýymyna qazaqstandyqtardyń jańa býynyn tárbıeleýde zor jaýapkershilik júkteldi. "Elimizdiń erteńi búgingi jas urpaqtyń qolynda, ol jas urpaqtyń taǵdyry ustazdardyń qolynda", – dep Nursultan Ábishuly Nazarbaev aıtpaqshy, búginde olar bul mańyzdy mindetti tereń sezinip, abyroımen atqaryp keledi.
⠀
"Nur Otan" partıasynyń saıası doktrınasynda da jalpyǵa ortaq tabysqa qol jetkizýdiń negizgi faktorlarynyń biri zıatkerlik ult qalyptastyrý ekeni aıtylǵan. Bul iste de ustazdyń alar orny erekshe.
⠀
Ustazdyq – jaı kásip emes, jan-dúnıeńmen berile atqarar uly is, jaýapty mısıa, elge qyzmet etýdiń ozyq úlgisi. Sondyqtan osynaý uly esimge daq túsirmeı, el bolashaǵy jolynda aıanbaı eńbek etip júrgen qadirli mamandyq ıelerin quttyqtaı otyryp, jumystaryna tabys pen sáttilik tileımin".