Germanıalyq ınvestor Soltústik Qazaqstan oblysynyń aýyl sharýashylyǵy óndirisine 9 mln dollar qarjy quımaq, dep jazady LS saıty.
Kásiporynda CLAAS kompanıasynyń traktorlary men kombaındary qurastyrylmaq. Búginde óndiristik kelisimshart jobasyna saraptama jasalyp jatyr.
"Kelisimder sátti júzege assa, 9 mln dollar nemese 3,4 mlrd teńge kóleminde ınvestısıa tartylmaq. Kásiporyn tolyq qýatyna qosylǵanda jylyna 300 birlik tehnıka qurastyrady" dep atap ótti jergilikti ákimdiktegiler. Óndiris ornynda 80 jumys orny ashylady dep kútilýde.
Eskerte ketelik, CLAAS nemis mashına jasaýy kompanıasy 1913 jyldan beri aýyl sharýashylyǵy tehnıkalaryn óndirip keledi. Kompanıanyń Eýropa, Azıa jáne Amerıkada 14 zaýyty bar. Onda 11 myńnan astam adam jumys isteıdi.
Pikir qaldyrý