Keıingi kezderi hıdjab (qate atasam, keshirersizder) degenińiz qazaqtyń, kádimgideı, bas qatyratyn basty bir problemasyna aınala bastady. Onyń etnografıalyq tarıhymyzda bolmaǵandyǵyn da, búginimiz ben keleshegimizge qajetsizdigin de, osydan birer jyl buryn, Elbasymyz óziniń Túrkistan qalasyna sapary barysynda shegelep turyp aıtqan edi. Al, jalpy, áıel balasynyń baskıimi men ózge de kıimderi tóńireginde aıtylar áńgimeniń aýqymy myńdaǵan jyldar keńistigine sozylady. Men búgin ózimizdiń hıdjabshyldarǵa qarata, bir-eki-aq sóz aıtpaqpyn. Teginde, áıel balasynyń basyn tutastaı tasqarańǵy tumshalap tastasańyz da, bári - beker, eger onyń óz bet qyzyly (uıaty) bolmasa! Qazaq qyzynyń "hıdjaby" - óziniń Ar-uıaty. Ar-uıaty bar áıelderge eń qatynqumar erkekterdiń eń joıqyn kóz suǵy da óte almaıdy. Árıne, bul jazbamyzdy oqyp otyrǵan dindar adamdardyń ishindegi keıbir qyńyrlarynyń bylaı dep te qyrsyqtanýy múmkin: "Áıel balasynyń hıdjabtanýy onyń ózi úshin emes, - erkekter úshin kerek. Óıtkeni, áıeldiń sulý dıdaryn kórgen erkektiń saıtany qozady". Oǵan bylaı dep jaýap beremiz: "Saıtan" - kez kelgen erkekte bar. Onyń "qozýy" áıeldiń sulý jamalyna ǵana baılanysty emes. Bet sulýlyǵynan myń ese asyp túsetin "qozdyrǵyshtar" da bar tirlikte. Sondyqtan, erkekter óz "saıtandaryna" ózderi ıe bolý kerek qashanda. Ie bola almaıtyndarǵa, jıdjab túgil, Qytaı Qorǵany da bóget bola almaıdy!
Tynyshtyqbek Ábdikákimuly, facebook
