Koronavırýs juqtyrǵan qazaqstandyqtar Almatydaǵy ınfeksıalyq stasıonarǵa jatqyzyldy. Bul týraly densaýlyq saqtaý mınıstri Eljan Birtanov Nur-Sultanda ótken brıfıń barysynda aıtty.
Mınıstrdiń aıtýynsha, olar 9 naýryz jáne 12 naýryz kúnderi elge kelgen.
– Biz jeke aqparatty jarıalaı almaımyz. Bir áıel adam jáne bir er adam ekenin ǵana aıta alamyz. Alǵashqy naýqas 9 naýryzda Germanıadan, ekinshisi 12 naýryzda, ıaǵnı keshe keshke kelgen. 9 naýryzda kelgen jolaýshymen qatar ushaqta 73 adam bolǵan. Bizde tizim bar. Olardyń qaıda ekeninen habardarmyz. Olardy oqshaýlap, karantınge jatqyzatyn mekeme izdestirip jatyrmyz. Olar naýqas emes, tek 14 kúnge karantınge jatqyzylady, – dedi Birtanov.
Pikir qaldyrý