Germanıadan kelgen eki Qazaqstan azamatynda koronavırýs anyqtaldy. Bul týraly densaýlyq saqtaý mınıstri Eljan Birtanov Nur-Sultanda ótip jatqan brıfıń barysynda aıtty.

– Biz, Densaýlyq saqtaý mınıstrligi, jergilikti atqarý organdary koronavırýstyq ınfeksıany Qazaqstanǵa kirgizbeý úshin kóp sharalar iske asyrdyq. Biraq ókinishke qaraı, qaıta-qaıta tekserý nátıjesinde búgin Germanıadan kelgen eki Qazaqstan azamatynan koronavırýstyq ınfeksıa anyqtaldy. Bas sanıtardyń qaýlysymen azamattar Almatydaǵy ınfeksıaǵa qarsy karantındik stasıonarǵa jatqyzyldy. Barlyq sharalar belgilengen algorıtmge saı júzege asýda. Oqshaýlandyrý, karantın sekildi qajetti prosedýralar jasalýda. Klınıkalyq sımptomdar joq. Azamattardyń jaǵdaıy jaqsy, – dedi mınıstr.

Birtanov elde qajetti tósek oryndar men dári-dármekter bar ekenin, qajetti qordyń jetkilikti ekenin, medısına qyzmetkerleri ne isteý keregin biletinin málim etti.

Oqı otyryńyz!

♦ Vırýsolog: Qazaqstanda koronavırýsqa qarsy preparattar jasaýǵa múmkinshilik bar