Bul týraly Qamshy.kz aqparat agenttigi QazAqparat deregine súıene otyryp habarlaıdy. 

Atalǵan aqparatqa oraı túsinik bergen Almaty qalalyq Taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Aızat Moldaǵasymova aıtýynsha, medısınalyq baqylaýǵa  tek 488 adam alynýy tıis.

«488 adam – bular sanattar boıynsha medısınalyq baqylaýǵa alynýy tıis tulǵalar. Olardyń barlyǵy koronavırýsty juqtyrǵandarmen nemese kúdik keltirilgendermen qarym-qatynasta boldy degendi bildirmeıdi. Atalǵan tulǵalar naýqastarmen baılanysta bolmaǵan jáne oqshaýlaýǵa jatpaıdy. Degenmen de, olardy izdestirý jáne medısınalyq baqylaýǵa alý sharalary jalǵastyrylýda», - deıdi Aızat Moldaǵasymova.

Resmı ókil sonymen birge koronavırýsty juqtyrǵandarmen baılanysta bolǵan tulǵalarmen júrgizilip jatqan jumystar týraly da toqtalyp ótken.

«Koronavırýs ınfeksıasy oń nátıje bergen Germanıa azamatymen barlyǵy 68 adam kelgen. Olardy ınfeksıalyq stasıonarǵa oqshaýlaý boıynsha jumystar júrgizilýde», - dedi ol.

Eske sala keteıik, Qazaqstanda koronavırýs ınfeksıasyn juqtyrýdyń 4 jaǵdaıy tirkeldi. Onyń biri Italıanyń Mılan qalasynan Nur-Sultanǵa ushyp kelgen azamattan anyqtalsa, kelesi úsh adam Germanıadan Almatyǵa áýe qatynasymen kelgen. Qazirgi tańda barlyǵy aýrýhanaǵa jatqyzyldy.