Qazaqstanda taǵy bir adamdan koronavırýs tabyldy. Bul týraly 13 naýryz keshkisin Densaýlyq saqtaý mınıstrliginiń baspasóz hatshysy Dıas Ahmetshárip habarlady.
"Tórtinshi adamnan koronavırýs tabyldy. Ol – 1976 jyly týǵan Almaty turǵyny. Qazaqstanǵa naýryzdyń 13-i kúni Germanıadan jolaýshylar ushaǵymen kelgen" dedi Ahmetshárip.
Onyń sózinshe, qazir vırýs juqtyrǵan qazaqstandyq Almatyda arnaıy aýrýhanada jatyr.
Buǵan deıin Densaýlyq saqtaý mınıstri Eljan Birtanov Germanıadan kelgen eki adamnan, Italıadan kelgen bir adamnan koronavırýs tabylǵanyn málimdegen edi. Buǵan qosa, Germanıada júrgen Qazaqstannyń bir azamatynan da vırýs tabylǵany habarlanǵan..
Pikir qaldyrý