Belgili jýrnalıs, QR Ulttyq sport qaýymdastyǵynyń atqarýshy dırektory Rahat Jaqsybaı facebook paraqshasynda óziniń koronavırýs juqtyrǵanyn málimdedi.

"Keıde osyndaı habar jazýǵa da týra keledi. Álemdik pandemıa bastalyp jatqanda Anglıada edik. O jaqta ótken jyldyń sońynan dabyl qaǵyp bastaǵan. Saqtyq jasap, úıden shyqpadyq. Al aqpanda juǵý qaýpi joǵary degen London metrosyn, áýejaıyn basyp ótip, elge aman-saý oralǵanbyz. Ári qaraı belgili. Elmen birge eki jarym aı karantınde boldyq. Sosyn beketter alyndy. Áıteýir, bizge qatysy bolmaıtyndaı kórgenbiz. Qatysty bolyp shyqty. PSR oń nátıje kórsetti. Aýrýhanadamyn endi. Negizi adamnyń syrqaty jeke qupıasyna jatady zań boıynsha. Biraq qoǵamdyq rezonans, bar ma, joq pa degen saýal kóbeıgen soń, jazýdy jón kórdim" degen jýrnalıs vırýsty qalaı juqtyryp alǵanyn aıtty.

"Eń aldymen, túsingenim, vırýs adamdy ımýnıteti álsiregen tusta alatyn sıaqty. Kondısıoner astynda sýyqtap qalý, salqyn balmuzdaqty asap jiberý, ystyq kúnde kelip, sýyq dýsh qabyldaý degen sıaqty. Osyndaıdan keıin adamdarmen aralasqan soń, vırýs tez juǵýy múmkin. Aýyryp jatqan tanystarymnyń qaısysymen sóılessem de, aıtatyndary osy. Ózim de syrqattanar aldynda, eki saǵat kondısıoner astynda otyryp qalǵan edim. Iaǵnı, tıisti aldyn alý sharalarynan bólek, ımýnıtetti kóterip, túsirip almaý jaǵyna mán berý kerek" deıdi ol.

Sondaı-aq búgin depýtat, QR Ulttyq sport qaýymdastyǵynyń prezıdenti Bekbolat Tileýhannan habarlanǵan.