Almatydaǵy Dostyq úıinde «dóńgelek ústel» ótip, onyń barysynda Qazaqstan Prezıdenti Qasym-Jomart Toqaevtyń «Jańa jaǵdaıdaǵy Qazaqstan: İs- qımyl kezeńi» Joldaýy talqylandy.

«Dóńgelek ústeldiń» jumysyna QR Memlekettik hatshysy Qyrymbek Kósherbaev, Almaty ákimi Baqytjan Saǵyntaev, shyǵarmashyl zıaly qaýym ókilderi qatysty.

Kezdesýdi ashqan Memlekettik hatshy Memleket basshysynyń bıylǵy Joldaýy is júzinde pandemıa men álemdik ekonomıkalyq daǵdarys jaǵdaıynda Qazaqstandy damytýdyń jańa áleýmettik-ekonomıkalyq kezeńi ekenin atap ótti. Aldaǵy barlyq jańa ózgerister memleket jumysynyń tıimdiligin arttyrýǵa, ózekti áleýmettik-ekonomıkalyq máselelerdi sheshýge baǵyttalatyn bolady.

Qyrymbek Kósherbaev qazirgi kúrdeli jaǵdaıda zıaly qaýym ókilderiniń daǵdarys kórinisterin jeńýde, halyqtyń jańa uqsastyǵyn qalyptastyrýda úlken ról atqaratynyn atap ótti.

Eń aldymen uly Abaıdyń teńdessiz muralaryn jańadan oı eleginen ótkizý, zıaly qaýymnyń búgingi ýaqyttyń talabyna saı ulttyń jańa rýhanı qundylyqtaryn, qoǵamnyń óskeleń qaǵıdalary men qasıetin qalyptastyrýdaǵy mısıasyn tereń sezine bilgen jón.

Tuńǵysh Prezıdent-Elbasy Nursultan Nazarbaev usynǵan «Rýhanı jańǵyrý» baǵdarlamasynyń mazmunyn baıytyp, ony iske asyrýǵa tyń serpin berý qajet.

Almaty ákimi B. Saǵyntaev Prezıdent Joldaýyna sáıkes megapolısti damytýdyń taıaý aradaǵy basty baǵyttaryn atap ótti. Munda densaýlyq salasyn modernızasıalaýǵa jáne pandemıamen kúreske, barlyq salany, onyń ishinde bilim berý júıesin keńinen sıfrlandyrýǵa jete nazar aýdarylatyn bolady.

«Qala oqýshylaryna qashyqtan bilim berýdiń jalpyqalalyq „Sfera“ platformasy quryldy. Jańa sıfrlyq bilim kontenti ázirlendi, oqytýshylar tıisti daıarlyqtan ótti. Barlyq balalar, onyń ishinde az qamtylǵan otbasylardyń balalary úshin qajetti kólemde noýtbýkter men planshetter satyp alyndy», — dep habarlady B. Saǵyntaev.

Jastardyń boıynda ınovasıanyń ashyqtyǵyn qalyptastyrýǵa erekshe nazar aýdarylýda. Sıfrlandyrýdyń 2025 jylǵa deıingi qoldanbaly strategıasy ázirlendi, qalanyń AT-keńesi quryldy. Stýdentter men oqýshylardyń AT-daryn pýly jasaqtaldy.

Bulardan ózge, Joldaýdyń mindetterine sáıkes qala balalaryn sportpen, mádenıetpen jáne mektepten tys qosymsha bilim berýmen keńinen qamtý úshin barlyq jaǵdaılar jasalatyn bolady.

Qala ákimi óskeleń urpaqtyń boıynda durys rýhanı qundylyqtardy qalyptastyrýda jáne olardy tárbıeleýde shyǵarmashyl zıaly qaýym ókilderiniń mańyzdy ról atqaratynyn atap ótti.

Kezdesý barysynda ulttyń rýhanı jańǵyrýy týraly mádenıet pen ǵylymnyń tanymal qaıratkerleri Orazaly Sábden, Smaǵul Elýbaı, Murat Áýezov, Tóregeldi Sharmanov, Murat Jurynov, Rahman Alshanov, Asanáli Áshimov, Sábıt Dosanov, Kenjehan Mákejanov jáne basqalary ózderiniń utymdy usynystarymen bólisti.