Prezıdent Qasym-Jomart Toqaev Túrkıada bolǵan alapat órtke baılanysty Rejep Taıyp Erdoǵanǵa jedelhat joldady. Bul týraly prezıdenttiń baspasóz hatshysy Berik Ýálı habarlady.
"Qasym-Jomart Toqaev Túrkıada bolǵan alapat órt saldarynan eldiń ekonomıkasy men týrısik bazasyna orasan zor shyǵyn kelgenine jáne azamattardyń densaýlyǵyna aýyr zardabyn tıgizgenine baılanysty Túrkıa Prezıdenti Rejep Taıyp Erdoǵanǵa nıettestik bildirgen jedelhatyn joldady.
Qazaqstan prezıdenti óz jedelhatynda baýyrlas túrik halqyna gýmanıtarlyq kómek kórsetýge daıyn ekenin atap ótip, prezıdent Rejep Taıyp Erdoǵanǵa eldegi tabıǵat apatyna qarsy kúreste sáttilik tiledi" delingen prezıdent jedelhatynda.
Sońǵy birneshe kúnnen beri Túrkıanyń kýrorttyq aımaǵynda orman órti órship tur. Órt saldarynan 6 adam qaza bolyp, 180-nen astam adam zardap shekti.
Kýrortta demalyp jatqan týrıser qaýipsiz aımaqqa kóshirildi.
Pikir qaldyrý