Senator Lındsı Gremdy qoldaǵan AQSH kongresmenderi men senatorlary "Djo Baıdenge ımpıchment jarıalanýy kerek" dep málimdedi.

Grem AQSH-tyń árbir amerıkalyq azamatty Aýǵanstannan evakýasıalaýǵa "mindetti" ekenin jáne amerıkalyqtarǵa kómektesken aýǵan aýdarmashylary men merdigerlerine de solaı kómektesýge "mindetti" ekenin aıtty.

"Djo Baıden Konstıtýsıa boıynsha aýyr qylmys pen teris qylyq jasady, oǵan ımpıchment jarıalanýy kerek" dedi Ońtústik Karolına shatatynyń respýblıkalyq senatory. 

Taǵy bir respýblıkashyldar ókili Mardjorı Teılor Grın prezıdent Djo Baıdenge qarsy ımpıchment maqalalarynyń jańa nusqasyn usyndy.

Kongresmen shyǵarǵan úsh qaýly boıynsha, Aýǵanstandaǵy jaǵdaıdy retteý "mindetinen bas tartqany" úshin, "shekaralyq daǵdarys" úshin, "Kongrestiń bıligin tartyp alǵany úshin jáne Joǵarǵy Sottyń sot bıligin elemegeni" úshin Baıdenge ımpıchment jarıalanýy kerek. 

– Jeti aıdyń ishinde Djo Baıden Amerıkanyń búkil álemdegi abyroıyn joǵaltty. Dálelder anyq jáne onyń áreketteri sonshalyqty óreskel, sondyqtan oǵan ımpıchment jarıalanýy kerek, – dedi Grın óz málimdemesinde.

Respýblıkashylar Kongreste azshylyqty quraıdy, sondyqtan Baıdenge ımpıchment jarıalaý prosesi uzaq ýaqytqa sozylady. Keıbir senatorlar Baıdenniń vıse-prezıdent kezindegi Ýkraınamen dıplomatıasyna jáne onyń uly Hanter Baıdenniń sheteldik iskerlik qatynastaryna baılanysty yqtımaldy "jemqorlyq áreketterge" nazar aýdarǵan bolatyn.

Baıdenge ımpıchment jarıalaýǵa shaqyrǵandar kóbeıip keledi, onyń ishinde konservatıvti sholýshy Mark Levın bar. Ol konstıtýsıanyń 25-shi túzetýi boıynsha Baıdenge ımpıchment jarıalaý kerek ekenin aıtady. Burynǵy prezıdent Donald Tramptyń 2020 jylǵy naýqanynyń aǵa keńesshisi Djenna Ellıs jáne saıasatker Den Bongıno de Baıdendi jazalaýdy qoldaıtyndardyń qatarynda. 

AQSH-tyń burynǵy prezıdenti Trampqa Demokratıalyq baqylaý úıi eki ret ımpıchment jarıalaǵan bolatyn, bireýi Ýkraınaǵa qatysty, ekinshisi 6 qańtardaǵy Kapıtolııdegi tártipsizdikke qatysty ımpıchment boldy, biraq eki rette respýblıkashyldar basqaratyn Senat arqyly aqtalǵan. 

Keıbir AQSH saıasatkerleri Baıdendi sottaý kerek ekenin aıtady.