Baıdenge ımpıchment jarıalaýǵa shaqyrǵan AQSH senatorlarynyń sany kóbeıe tústi. Tipti "Baıdendi qyzmetinen alý kerek, sottaý kerek" degen sanatorlar da shyǵa bastady.

– Biz qıyn jaǵdaıǵa tústik. Bizdiń sheteldik odaqtastarymyz, tipti óz azamattarymyz endi bizdiń úkimetke sene almaıdy, Djo Baıdenge sene almaıdy. Bizdiń ultymyzǵa qaýip tóndirse, erejeni elemese prezıdentke shara qoldaný Kongrestiń mindeti, – dedi respýblıkashyldar ókili Mardjorı Teılor Grın prezıdent Djo Baıdenge qarsy ımpıchment maqalalarynyń jańa nusqasyn usynyp.

Ol qazirgi úkimet lıgıtımdi emes dep sanaıtynyn aıtyp, muny óz azamattaryna qyzmet etpeı otyrǵanymen túsindirdi.

– Biz odaqtastarymyz ben azamattarymyz úkimetke senýi úshin Amerıkaǵa degen qurmetti qalpyna keltirýimiz kerek. Djo Baıdenge ımpıchment jarıalanýy, Senatta qaralýy, sottalýy jáne qyzmetinen alynýy kerek, – dep qosty Grın.