Mektep oqýshylary arasynda ótken respýblıkalyq Ulttyq Mektep Lıgasynyń jalpy qorytyndysy boıynsha Shymkent qalasy júldeli 2-oryndy jeńip aldy. Sporttyń 10 túrinen ótken saıystan oqýshylar 10 altyn, 2 kúmis, 2 qola medal ıemdendi. 4 kezeńnen turǵan jarystyń aqtyq máresine 360 shymkenttik oqýshy qatysqan.

Jarystyń maqsaty - mektep oqýshylarynyń bos ýaqytyn tıimdi paıdalaný, sportpen shuǵyldanýshylardy qalyptastyrý, salaýatty ómir saltyn nasıhattaý,buharalyq sportty damytý, sport túrleri boıynsha úzdik mektep komandalaryn anyqtaý.

Eske sala ótsek, Shymkent qalasynda mektep oqýshylary arasynda sporttyń 10 túrinen (basketbol, voleıbol, gandbol, fýtzal, fýtbol, toǵyzqumalaq, asyq atý, bes asyq, ústel tenısi, prezıdenttik synama) jas erekshelikteri boıynsha «Ulttyq Mektep Lıgasynyń» qalalyq kezeńi aqpan-sáýir aılarynda ótkizilgen bolatyn.