Alǵashqy qońyraý soǵylyp, oqý jylynyń bastalýyna sanaýly kúnder qaldy. Dese de qalyń buqaranyń arasynda balalaryna mektepke qajetti dúnıelerin alyp bere almaı otyrǵandar jeterlik. Qazaqstan musylmandar dinı basqarmasynyń Shymkent qalasy boıynsha ókildigi osyndaı otbasylarǵa qol ushyn sozyp, mektepke jol atty qaıyrymdylyq sharasyn ótkizdi.

Igi shara barysynda jaǵdaıy tómen, kópbalaly otbasyndaǵy mektep oqýshylaryna sómkesi men qajetti oqý quraldary tabys etildi. Qaıyrymdylyq aksıasy qalamyzdyń 4 aýdany boıynsha qarqyndy júrgizilýde. Qala boıynsha 400 otbasyǵa kómek qoly sozyldy. Bul bastama qyrkúıek aıyna deıin jalǵasyn tabady, -dedi salaǵa jaýaptylar.

Qaıyrymdylyq aksıasyn meshitter men qala ákimdigi birlesip ótkizedi. Qaıyrymdylyqtyń mańyzy barlyǵy úshin úlken. Búgingi qaıyrymdylyq aksıasy aıdyń sońyna deıin toqtamaıdy. Kómek qalanyń 4 aýdanynan shyqqan muqtaj otbasylarǵa kórsetiledi. İs-sharany ótkizýge kómekteskeni úshin qala ákimdigine, meshitter ımamyna jáne barlyq qamqor adamdarǵa alǵys bildirgimiz keledi.

Jalpy qaıyrymdylyq aksıasy aıasynda tizim boıynsha 1000 muqtaj mektep oqýshysy qamtylyp otyr. Elimizdegi epıdahýaldyń turaqsyzdyǵyna baılanysty oqýshylardyń mektep formasy men qajetti quraldary ár otbasyǵa jeke úılerine jetkizilip berilmek. Bul jumystardy qalalyq «Zeket jáne qaıyrymdylyq» qory men «Jastar isi» sektorynyń eriktileri atqarady.