Memleket basshysynyń balalar men jasóspirimderge arnalǵan shyǵarmashylyq jáne sport tapsyrysynyń jan basyna qarjylandyrý boıynsha bergen tapsyrmasynyń negizinde Shymkent qalasynda birqatar jumystar atqarylýda.
Osy baǵyttaǵy jumystardyń barysymen tanysý maqsatynda búgin qala ákimi Murat Áıtenov shyǵarmashylyq tapsyrysty jan basyna qarjylandyrý jobasyna qatysyp otyrǵan JK «Makashev» úıirmesine bardy.
Atalǵan shyǵarmashylyq úıirme Qarataý aýdanyna qarasty «Nurtas» shaǵyn aýdanynda ornalasqan. Bul úıirmege búginde ulttyq bı men halyq bıi boıynsha jalpy 100 ótinim kelip túsken.
Qala ákimi bul jańashyldyq balalarǵa kez kelgen úıirmege barýyna qoljetimdi etetinin atap ótti. Eń bastysy ata-analarǵa qarjylyq jaǵynan aýyrtpalyq túspeıdi. Endi bul tólemaqy memleket qazynasynan bólinetinin jetkizdi.
Aıta ketý kerek, Shymkentte jan basyna qarjylandyrý jobasy aıasynda 400 bala akterlik sheberligin úırenedi
Memleket basshysy óz Joldaýynda balalardyń sporttyq jáne shyǵarmashylyq áleýetin damytýǵa erekshe nazar aýdardy. Osy rette bıyl elimizde 1 mamyrdan bastap shyǵarmashylyq tapsyrys boıynsha jańa strategıalyq sharalar qabyldandy. Iaǵnı, osyǵan deıin aqyly úıirmeler men seksıalarǵa barǵan balalar endi tegin qatysa alady.
Jańa júıemen jumys jasaıtyn ortalyqtardyń biri - JK «Patteev». Osynda 400 bala shyǵarmashylyq tapsyrys aıasynda tegin úıirmege qatysýǵa múmkindik aldy. Onyń ishinde 200 bala derekti jáne oıyn kórkem kınosyna, al 200 bala akterlyq óner boıynsha úıirmege qatysady. Úıirme «Shyǵys» shaǵyn aýdany 28 úıde ornalasqan.
Bul jobaǵa qatysý úshin bıznes ókilderi Artsport.edu.kz saıtynda ótinim qaldyrady. Al, ata-analar júıege kirip, kerekti ortalyqqa balalaryn jaza alady.
