Shymkent qalasynyń kóshelerin túngi jaryqshamdarmen qamtamasyz etý maqsatynda «Shymkent qalasynyń jaryqtandyrýdyń qurylysyn salý, qaıta qurý jáne paıdalaný» jobasy iske asyrylyp jatyr. Bul keshki mezgilde qala qaýipsizdigi men kórkine oń septigin tıgizbek.

Búgingi tańda megapolıstegi ortalyq mańyzy bar 747 kósheniń 228-i jaryqtandyrylǵan. Iaǵnı, qamtylý kórsetkishi 43,4 paıyzdy qurap otyr.
Bul kórsetkishti arttyrý úshin bıyl mamyr aıynan bastap memlekettik jekeshelik áriptestik aıasynda jumystar qolǵa alynǵan bolatyn. Búgingi kúnge deıin merdiger mekeme «ABM Building» JSHS tarapynan 51 kóshege jaryqsham ornatyldy.

Naqtyraq aıtsaq, Abaı aýdanynda – 24 kóshe, Ál Farabı aýdanynda – 6 kóshe, Eńbekshi aýdanynda – 4 kóshe, Qarataý aýdanynda – 19 kóshe jaryqtandyryldy.
Memlekettik- jekeshelik áriptestik aıasynda (GCHP) 2021–2023 jyldary 312 kóshe jaryqtandyrylady dep josparlanýda.

Jospar boıynsha 2021 jyldyń sońyna deıin megapolıstegi 104 kóshe jaryqtandyrylatyn bolady. Atap aıtqanda, Abaı aýdany – 30, Ál-Farabı – 21, Eńbekshi aýdany – 22, Qarataý aýdanynda 31 kóshe belgilendi.
Al, 2022 jyly - 102 kóshe, 2023j - 106 kóshe jaryqtandyrylyp, nátıjesinde jaryqtandyrý kórsetkishi 70 %-ǵa jetetin bolady.