Shymkentti saryshaıandar qaptaı bastady. Qala turǵyndary úılerinde jáne aýlalarynda osy bir shaıantárizdes jándikti jıi kezdestiretinin aıtady. Osy aıdyń ózinde saryshaıan shaqqan 39 adam dárigerge júgingen, onyń 13-i balalar. Tórteýi ortasha aýyr jaǵdaıda aýrýhanaǵa túsken. Bul zıankesterge qarsy ýlandyrý jumystary arzanǵa soqpaıdy eken.

Sońǵy kezde bizdiń úı jaǵymyzda shaıandar kóbeıip jatyr. Kórshilerden de surastyrdyq. Iá, bar deıdi. Ótkende sol nemereler, balalar oınap júrip kórip qalǵan eken. Taraqan, taraqan degen soń, men ony taraqan emes, estigenim boıynsha emes, kózimizde kórgen ǵoı shaıan ekenin. Qorqamyz dalaǵa shyǵýǵa, balalarymyz da dalada oınaıdy, syrtta uıyqtaımyz. Kúni boıy syrtta júremiz ǵoı, balalar baqshaǵa kiredi birdeńe julyp jeýge. Kimnen kómek suraımyz, bilmeımiz.

Saryshaıandarmen kúresýge dezınfeksıa qyzmeti kómektesedi. Araǵa 5-6 kún úzilis sala otyryp, olardy ýlaý jumysymen aınalysady. Mundaı qyzmettiń baǵasy jeke úıdiń aýlasynyń sharshy metri úshin 150 teńgeden, al turǵyn úıdi óńdeý baǵasy 430 teńgeden bastalady. Mamandar saryshaıandardy birneshe úıde ýlandyrý tıimdi deıdi.