Shymkent qalasynda kókónis saqtaıtyn qoıma salý josparlanyp otyr. Ony kásipker óz esebinen júzege asyrmaq. Ótken aptada ótken ınvestısıalyq shtabtyń otyrysynda jobanyń tanystyrylymy ótip, ózekti máseleleri talqylandy.
Joba usynýshy «KEREMET-SAPA» JSHS jetekshisi qoımada 2 myń tonna kókónis pen jemis-jıdek saqtaýǵa bolady deıdi. Qoıma taýarlardyń uzaq ýaqyt balǵyn kúıde saqtalýyn qamtamasyz etedi.
Joba quny – 500 mln teńge. Joba júzege asqan ýaqytta 15 adam turaqty jumyspen qamtylady.
Qala ákimine ınvestor qoımany salý úshin 1 gektar jer telimi qajettiligi týyndap otyrǵanyn aıtyp, kómek berilýin surady. Shahar basshysy aýdan ákimderi men tıisti sala basshylaryna ınfraqurylymy daıyn aýmaqtan jer telimin berý týraly sheshim qabyldady.
