Búgin Shymkent qalasyndaǵy kardıologıa ortalyǵynda kompúterlik tomografıa kabıneti ashyldy. Tomografıa kabınetin aralap kórgen qalalyq densaýlyq saqtaý basqarmasynyń basshysy B. Pozılov júrek aýrýlarynan bolatyn ólim-jitim sanyn azaıtyp, naýqastardy der kezinde dıagnostıkalaýda qurylǵynyń mańyzdylyǵyn atap ótti.

Shymkenttegi kardıologıa ortalyǵynda kompúterlik tomografıa kabıneti ashyldy. Qalanyń bas dárigeriniń sózinshe, jańa qondyrǵynyń múmkindigi joǵary bolǵandyqtan, kóptegen aýrýdyń aldyn alyp, júrek aýrýynan bolatyn ólim-jitimniń azaıýyna múmkindik beredi. Buryndary osy apparat úshin basqa qalaǵa qatynaýǵa májbúr bolǵan turǵyndar endi 3-shi megapolıste em qabyldaı alady.

Buryndary naýqastardy kompúterlik tomografıaǵa bola, basqa medısınalyq uıymdarǵa joldaıtyn edik. Ol belgili bir yńǵaısyzdyqty týǵyzatyn edi. Naýqastyń ómiri úshin óte qaýipti edi. Endi bul jerde barlyq em dıagnostıka kompleksti 1 jerden ótetin boldy. Tek qana dıagnostıka úshin ǵana emes, operasıadan keıingi naýqastar, mysaly, júrekke operasıa jasaǵannan keıin naýqastarda ınsýlt bolýy múmkin. Buryndary nevropotologtardy shaqyratyn edik, endi aýrýhanada búkil kómek jasalynatyn boldy.

Joǵary sapaly tomografıany qoldaný - qan aınalymy júıesiniń aýrýlary dıagnostıkasynda, keýde arterıasyna, aortaǵa ınvazıvti emes angıografıa jasaýda «altyn standart» bolyp tabylady. KT kórsetken dıagnostıkalyq tapsyrmalardy sapaly ári sany boıynsha da sheshýge múmkindik beredi. Jańa qondyrǵy Japonıadan kelgen «Canon» brendiniń ónimi. Baǵasy 300 mıllıonǵa jýyq turady. Bul apparat tek júrek qan tamyrlarynyń aýrýyn ǵana emes, sonymen qatar mı, ókpege qatysty aýrýlardy anyqtap, onyń aldyn ala alady.

Bizdiń ortalyǵymyzda eger jylda 5 myńǵa jýyq naýqas ótetin bolsa, ol naýqastar jedel túrde túsetin naýqastar. Infarkt, ınfarkt aldy jaǵdaıynda. Al bul kompúterlik tomografıa tek qana stasıonarǵa túsken naýqastar ǵana emes, biz qaladaǵy emhanalarǵa taǵy da sýıýpodrádpen kómektesemiz degen oıdamyz. Óıtkeni, ambýlotorlyq deńgeıde júrektiń qaranarlyq arterıasyn tekserý MSKT prosedýrasy barlyq halyqaralyq rekomendesıalarda bar. Ol buryn istelinbeıtin edi. Tek qana dıagnostıkalyq ortalyqta istelinetin edi. Búgingi tańda ózimiz de isteımiz.

Kompúterlik zertteý búginde ózekti taqyryp bolyp otyr. Koreıa elinen aldyrylǵan kompúterlik tomografıanyń respýblıkalyq transhtan bólingen qarjyǵa satylyp alyndy. Qondyrǵynyń 160 srezdik kardıologıalyq opsıasy bar. Bul jańa qural arqyly tek júrektiń aýrýlaryn ǵana emes, basqa da túrlisyrqattardy der kezinde anyqtaýǵa sep bolyp, ólim-jitimdi aldyn alýǵa múmkindik týady.

Aıta keteıik, ótken jyly ońtústik óńiri qan-tamyr aýrýlarynyń kórsetkishi 100 myń adamǵa shaqqanda 2734-ti, al ólim kórsetkishi 144-ti quraǵan. Shymkent qalasy men Túrkistan oblysy elimizde qan-tamyr júıesi aýrýy boıynsha 4 orynda tur. Búkildúnıejúzilik densaýlyq saqtaý uıymy 100 myń adamǵa 1 kompúterlik tomografıa qajet ekendigin aıtady.